Линктер

ЧУКУЛ КАБАР!
26-Январь, 2021 шейшемби, Бишкек убактысы 15:05

Кыргызстанда коронавирус жуккандардын көбү Бишкекте


Бишкек. Ош базары.

Кыргызстанда коронавирус жуккандардын эң көбү бүгүнкү күндө борбор шаар Бишкектен чыгып жатат. Коронавируска каршы республикалык штабдын соңку маалыматына караганда, Бишкекте илдет жуккандардын саны 255 адам. Андан кийин вирус жуккандардын саны боюнча Ош облусу турат – анда илдет жуккан 169 адам катталган.

Жалал-Абад облусунда 129, Ош шаарында 113, Нарын облусунда 103, Чүй облусунда 74, Баткен облусунда 18, Ысык-Көл облусунда 10 кишиге илдет жукканы аныкталган.

Жалпысынан республика боюнча бүгүнкү күнгө карата оору 871 адамдан табылды, алардын ичинен 12си кайтыш болду. 614 бейтап айыгып кетти.

5-майда Ысык-Көл облусундагы 10 адамдын баары айыгып, үйүнө чыгарылганы айтылды.

Коронавирус коркунучунан улам Кыргызстандын көпчүлүк аймактарында 25-марттан бери чектөө киргизилип, 1-майдан тартып гана айрым ишкана-мекемелердин иштешине уруксат бериле баштады.

5-майда биринчи вице-премьер-министр Кубатбек Боронов айрым ишканалардын иштөөсүнө уруксат берилгени менен элдин себепсиз көчөдө жүрүшүнө тыюу алына элек экенин эскертип, ээн-эркин басып жүргөндөр көбөйгөнү үчүн күч кызматкерлерин сынга алды. Ал Бишкек шаарында карантиндик режимдин сакталышына көзөмөл күчөтүлөрүн айтты. (RK)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG