Линктер

ЧУКУЛ КАБАР!
1-Март, 2021 дүйшөмбү, Бишкек убактысы 07:04

Окуу жылын 30-майга чейин узартуунун себеби айтылды


Кадамжайдагы мектеп. Иллюстрациялык сүрөт.

Билим берүү жана илим министрлиги мектептеги быйылкы окуу жылын 30-майга чейин узартуунун себебин түшүндүрдү. 15-майда онлайн брифингде министрдин орун басары Надира Жусупбекова билдиргендей, буга быйыл эс алуу күндөрү адаттагыдан көбүрөөк болгону себеп.

«Жазгы каникулда биз кичине көбүрөөк эс алдык. 1-5-май күндөрү да эс алуу күндөрү болду. Ошондуктан окуу программасын толук өздөштүрүш үчүн, окуучулар тапшырмаларын жөнөтүп, мугалимдер аларды тактап, суроолоруна жооп берип алышы үчүн, убактылуу журналдан кадимки журналга бааларды көчүрүп, коюу, класстан класска көчүрүү боюнча педагогикалык кеңешмелерди өткөрүүгө даярданып алыш үчүн биз 30-майга жылдырдык, окуу жылынын аякташын».

Кыргызстанда коронавирустун жайылышынын алдын алуу максатында мектептер 16-мартта жабылган бойдон ачыла элек. Министрлик быйылкы окуу жылы аралыктан жыйынтыкталарын билдирген.

Жалпы билим берүүчү мектептердин 2019-2020-жылдагы бүтүрүүчүлөрү үчүн мамлекеттик сынактын шарттары өзгөргөн.

Быйыл өлкөдө 59 миңдей окуучу 11-классты бүтүрөт. Анын ичинен 1253ү артыкчылык аттестатына талапкер. 9-классты бүтүрүүчүлөрдүн саны быйыл 104 миңге жакын. (RK)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG