Линктер

ЧУКУЛ КАБАР!
17-Июнь, 2021 бейшемби, Бишкек убактысы 12:23

Баткен: кыргыз-тажик чек арасында чыр чыкты


Кыргыз-тажик чек арасы. Баткен облусу. Сүрөт 2020-жылдын 9-майында тартылган.

Кыргызстандын Мамлекеттик чек ара кызматы 2-июнга караган түнү Баткенде, кыргыз-тажик чек арасында чатак чыкканын жана анда курал колдонулганын билдирди.

Маалыматка караганда, Баткен районунун Эски-Таш аймагында түнкү саат 01.20 чамасында Тажикстан тараптан белгисиз адамдар аң уулоочу куралдан Ош-Исфана автожолунда бара жаткан кыргызстандык жаранга бир нече жолу ок атышкан. Кыргызстандык айдоочу октон жеңил жаракат алып, Самаркандек айылдык ооруканасына жеткирилген.

Мекеме окуя болгондон кийин эки тараптын укук коргоо органдарынын өкүлдөрү жолугушканын, милиция чатак болгон жерде тергөө иштерин жүргүзүп жатканын кошумчалады.

2-июнь, саат 10догу маалымат боюнча кыргыз-тажик чек арасында кырдаал туруктуу экени кабарланды.

Тажикстан тарап бул окуя тууралуу азырынча комментарий бере элек. (NT)

Пикирлерди көрүңүз (7)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG