"Манас" эл аралык аэропортунун маалымат кызматы билдиргендей, аба майданында жүргүнчүлөр үчүн ыңгайлуу шарттары бар, жалпы аянты 553 чарчы метр болгон жаңы аэробекет курулган. Анда каттоочу орундар, жүргүнчүлөрдүн коопсуздугу үчүн текшерүүчү аппараттар, жүк лентасы, эне-бала бөлмөсү бар. Долбоорду ишке ашырууга канча каражат сарпталганы айтылган эмес.
"Исфана" аэропорту оңдоп-түзөлдү
Баткен облусунун Лейлек районундагы "Исфана" аэропортун реконструкциялоо иштери аягына чыкты.
1
"Исфана" аэропортунда оңдоп-түзөө иштери 2019-жылы башталган.
2
Бул аэропортто акыркы жолу капиталдык оңдоо иштери 2007-жылы жасалган экен.
3
Аэропорт ички каттамдар үчүн ылайыкталган.
4
Аэропорттун учуп-конуу тилкесинин жалпы узундугу 1 735 метр, ал эми туурасы 35 метрди түзөт.
5
Аэропорттун учуп-конуу тилкеси, рулёждук жолчосу, аба кемелерди токтотуучу жайы оңдолгон.
6
Геосинтетикалык курулуш материалдарын колдонуу менен 75 миң чарчы метр асфальт бетон төшөлгөнүн, "Манас" эл аралык аэропортунун маалымат кызматы билдирди.
7
"Исфана" аэропорту 1974-жылы пайдаланууга берилген. Совет мезгилинде ал Як-40, Ан-24, Ан-26, Ан-28, BAE-146-200 сыяктуу учактарды жана тик учактардын бардык түрлөрүн кабыл алган. Аэродромдо бир учуп-конуу тилкеси бар. Бул аэропортто акыркы жолу капиталдык оңдоо иштери 2007-жылы жасалган экен.
