Линктер

ЧУКУЛ КАБАР!
20-Январь, 2021 шаршемби, Бишкек убактысы 09:21

Текебаев: Жаштардын демилгеси менен миңдеген өмүр сакталып калды


Өмүрбек Текебаев туулуп өскөн жери Акман айылында. Март, 2020-жыл.

«Ата Мекен» саясий партиясынын лидери Өмүрбек Текебаев коронавирустан жакындарын жоготкон кыргызстандыктарга көнүл айтты. Өмүрбек Текебаев бул тууралуу видео кайрылуусун Улуттук аза күтүү күнүн утурлай, 29-июлда «Фейсбуктагы» баракчасына жайгаштырды. Анда Текебаев пандемия Кыргызстандын саламаттык сактоо, экономика жана башка тармактарындагы мүшкүлдөрдү оркойтуп, ачык көрсөткөнүн айтты:

«Таажы вирусу тараган алгачкы аптада элибиз оору менен бетме-бет жалгыз калып, от кечкендей өзү күрөштү. Жүздөгөн адамдарыбыз акыретке моюн сунса, калгандары оорунун экинчи толкунунан чочулап жашап жатышат. Түн канчалык караңгы болсо, таң ошончо жаркын болот. Калкыбыз карманарын билбей карайлап турган чакта жаңы муундун опол тоодой демине күбө болдук. Жаштардын деми, ыктыярчылардын аракети менен ооруган адамдарга, медицина кызматкерлерине чоң жардам көрсөтүлүп, миңдеген өмүрлөр сакталып калды».

Өмүрбек Текебаев бул коркунучтуу апаатта жакындарын жоготкон адамдарга көңүл айтып, кыргызстандыктарга ден соолук каалады.

«Ата Мекен» партиясынын лидери Өмүрбек Текебаев, жубайы Айгүл Текебаева экөө тең коронавирус илдетине чалдыгып, айыгып чыгышкан.

Президенттин жарлыгы менен 30-июль Кыргызстанда коронавирус курмандыктарын эскериш үчүн Улуттук аза күтүү күнү деп жарыяланды.

Кыргызстанда пандемия башталгандан бери коронавирустан 1347 адам каза болду. (ZKo)

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG