Линктер

ЧУКУЛ КАБАР!
11-август, 2020 шейшемби, Бишкек убактысы 07:00

Мексика COVID-19дан өлгөндөрдүн саны жагынан үчүнчү орунга чыкты


Мексикада көр казып жаткан жумушчу.

Мексикада коронавирустан каза тапкандардын саны 47 миңге чамалап, дүйнөдө үчүнчү орунга чыкты. Алдыңкы эки орунда АКШ менен Бразилия турат.

Мексиканын Саламаттык сактоо министрлиги 31-июлда билдиргендей, бул илдетке чалдыккандардын жалпы саны 424 миңден ашты.

Министрлик коронавируска кабылгандардын чыныгы саны бул көрсөткүчтөн алда канча көп болушу мүмкүн экенин кошумчалады.

Жонс Хопкинс университетинин маалыматына ылайык, дүйнөдө COVID-19 илдетинен 678 миңдей адам көз жумду. Коронавируска кабылгандардын саны 17,5 миллионго жетти.

Американын калк жыш жайгашкан Калифорния жана Флорида штаттары дагы соңку бир күндө коронавирустан каза тапкандардын саны рекорддук көрсөткүчкө жеткенин маалымдашты.

Флоридада соңку бир күндө 257 киши көз жумса, Калифорнияда бул илдет 208 адамдын өмүрүн алган.

АКШда коронавирустан каза тапкандардын саны 153 миңден ашты.

Пикирлерди көрүңүз

XS
SM
MD
LG