Линктер

ЧУКУЛ КАБАР!
22-Июнь, 2021 шейшемби, Бишкек убактысы 01:45

Кыргызстандын бир нече районунда дагы сел жүрдү


Жети-Өгүз районундагы сел жүргөн жол. 1-август, 2020-жыл.

2-августта таңкы саат жети чамасында катуу жааган жамгырдан Тогуз-Торо районундагы Чет-Булак айылында сел жүрүп, үч үйдү, эки сарайды жана ички жолдорду каптады. Учурда тазалоо иштери жүрүп жатат. Бул тууралуу Өзгөчө кырдаалдар министрлиги (ӨКМ) кабарлады.

1-августта катуу жааган жамгырдан Нарын районунун Куланак айылындагы каналдан суу ташып 28 үйдү суу каптаганы аныкталды. Ушул эле күнү Жети-Өгүз районундагы Көк-Жайык жайлоосунан барчу жолдо катуу жааган жамгырдан сел жүрүп, каттам токтогон. Жети-Өгүз айыл өкмөтү жолдон өтө албай калган эки жүздөй эс алуучуну Жети-Өгүз курортуна жайгаштырды. Учурда жолду тазалоо жана кеңейтүү иштери жүргүзүлүп жатат.

Ал эми 31-июлда Кара-Кулжа районундагы селден Күйөө-Таш айылында 12 үйдүн короосун жана беш үйдүн ичин суу каптаган. Коо-Чаты айылында 25 турак үйдүн короосун суу каптады. Ошондой эле Оштун айрым район аралык жолдорунда сел жүрүп, каттам татаалдашкан.

Акыркы бир аптадан бери нөшөрлөп жааган жамгырдан Кыргызстан аймагындагы бир райондордо сел жүрдү. "Кыргызгидромет" сел жүрүү коркунучу тууралуу чукул эскертүүнү тынбай таратууда. Азырынча республика боюнча селдин кесепеттеринин чыгымдары жөнүндө айтыла элек. (TSh)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG