Линктер

ЧУКУЛ КАБАР!
1-октябрь, 2020 бейшемби, Бишкек убактысы 19:22

Тажик гимнинин автору, акын Келдиев көз жумду


Гүлназар Келдиев. Дүшөмбү шаары, 2011-жыл.

Бейшембиде тажикстандык белгилүү акын жана журналист Гүлназар Келдиев 75 жаш курагында көз жумду. «Азаттык» радиосунун тажик кызматы кабарлагандай, маркум коронавирус инфекциясын жугузуп алган деген шек менен Дүйшөмбүдөгү ооруканага жаткырылган.

Келдиев 1945-жылы Ленинабад облусундагы айылда туулган. 1966-жылы Тажик мамлекеттик университетиндеги тажик филологиясы факультетин аяктагандан кийин гезитте иштей баштаган. 1969-жылдан тартып ырларын чыгара баштаган. Кийин адабий журналда иштеп, СССР Жазуучулар бирикмесине кабыл алынган.

Келдиевдин ырлары башка тилдерде да чыгып жүрдү. Өзү орус акындарынын чыгармаларын тажик тилине которгон. Маркум беш жыл парламент депутаты болгон. Келдиев 1994-жылы бекитилген Тажикстан гимнинин сөздөрүн жазган.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG