Линктер

ЧУКУЛ КАБАР!
24-ноябрь, 2020 шейшемби, Бишкек убактысы 07:14

Беларус бийлиги “Радыё Свобода” радиосунун сайтына бөгөт койду


Чектөө коюлган сайттарды ачууда ушундай жазуу пайда болот. Беларус. 22-август.

"Азаттыктын” беларус кызматынын, тагыраак айтканда “Радыё Свобода” радиосунун сайтына жана башка бир катар сайттарга беларус бийлиги бөгөт койду.

Бул президент Александр Лукашенкого каршы нааразылык акциялары учурунда маалымат айдыңын көзөмөлдөө максатында болууда. Беларустун Маалымат министрлиги 21-августта атайын буйрук чыгарып, дем алыш күндөрүндөгү массалык демонстрациялардан улам, байланышка чектөө коюларын билдирген.

Өлкөдө 72 сайтка бөгөт коюлган. Алардын арасында «Белсат», «Еврорадио» жана «Медиазона Беларусь» агенттиктери да бар. Министрликтин токтому менен 9-августтагы шайлоонун жыйынтыгына байкоо жүргүзүү үчүн түзүлгөн сайттар да жабылды. Мындан тышкары «Вясна» укук коргоо борборуна тиешелүү сайттар да ачылбай калды. Уюм шайлоодон кийинки кармоолор, адам укуктарынын бузулушуна байланыштуу кырдаалга көз салып жаткан.

Беларустагы президенттик шайлоонун жыйынтыгына нааразылык акцияларында жети миңден ашуун киши кармалган. Жүздөгөн адамдар түрдүү жаракат алып, үч киши каза болгону расмий кабарланган. Кармалгандардын айрымдары полиция тарабынан кыйноого кабылганын айтышкан.

Ондогон журналисттер кармалып, куугунтукка алынган. Алардын ичинде “Азаттыктын” беларус кызматынын кабарчылары да бар.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG