Линктер

ЧУКУЛ КАБАР!
1-декабрь, 2020 шейшемби, Бишкек убактысы 05:35

Баткендеги жол кырсыгынан эки адамдын өмүрү кыйылды


Иллюстрациялык сүрөт.

Баткенде 11-сентябрда жол кырсыгынан эки адам каза болду. Бул тууралуу Өзгөчө кырдаалдар министрлиги кабарлады.

Мекеменин маалыматына караганда, кырсык таңга маал Ош-Баткен-Исфана автожолунун 11-чакырымында (Жаңы-Жер айылы) болгон. Баштапкы маалыматка караганда, «Ауди-100» үлгүсүндөгү машиненин айдоочусу рулга ээ боло албай, автоунаа жолдон чыгып, оодарылып кеткен.

53 жана 46 жаштагы эки адам ооруканадан көз жумду. 27 жана 15 жаштагы эки жүргүнчү дарылануусун улантууда.

Жабыркагандарды Баткен облустук ооруканасына алты куткаруучу жеткирди.

Бир күн мурда Кара-Суу районундагы бир жол кырсыгында да эки киши каза болгону кабарланган. Быйылкы жылдын ушул убактысына чейинки өлкө ичинде катталган жол кырсыктарынын жалпы эсеби тууралуу маалымат таратыла элек.

Ички иштер министрлигинин басма сөз кызматы тараткан маалыматка караганда, 2019-жылдын алгачкы тогуз айында 4694 жол кырсыгы болгон. Бул 2018-жылга салыштырганда 12,3% көп. (RK)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG