Борбордук шайлоо комиссиясы (БШК) парламенттик шайлоонун баштапкы жыйынтыгын жарыялап жатат. Жергиликтүү саат кечки сегиз жарымда добуштардын 82% саналып бүттү.
БШК төрайымы Нуржан Шайлдабекованын маалыматына ылайык, 3,5 миллиондон ашуун катталган шайлоочунун 1,6 миллиондон ашууну (46,12%) добуш берди.
Баштапкы маалыматка ылайык, беш партия 7% шайлоо босогосун өттү:
- «Мекеним Кыргызстан» - 24,57%
- «Биримдик» - 24,29%
- «Кыргызстан» - 9,21%
- «Бутун Кыргызстан» - 7,16%
- «Мекенчил» - 7,05%
Калган 10 партиянын көрсөткүчтөрү:
- «Республика» - 5,99%
- «Ата Мекен» - 4,15%
- «Ыйман Нуру» - 3,45%
- «Бир Бол» - 2,92%
- «Чон Казат» - 2,42%
- «Замандаш» - 2,21%
- «Социал-демократтар» - 2,12%
- «Реформа» - 1,59%
- «Мекен Ынтымагы» - 0,67%
- «Ордо» - 0,23%
- "Ооганстан согушунун ардагерлери жана ушул сыяктуу кагышууларга катышкандардын саясий партиясы" - 0,17%
- Баарына каршы - 1,82%
Эске салсак, бул электрондук урналардан келген алдын ала маалымат. БШК толук жыйынтыкты кагаз бюллетендерди санап бүткөндөн кийин гана чыгарат.
