Линктер

ЧУКУЛ КАБАР!
26-ноябрь, 2020 бейшемби, Бишкек убактысы 05:08

Бишкектин эки вице-мэри кызматын тапшырды


Бишкек мэриясы.

Бишкектин төрт вице-мэринин экөө бүгүн, 27-октябрда кызматтан кетти. Алар – мэрдин турак жай-коммуналдык маселелерди тейлеген орун басары Алымбек Абдылдаев жана социалдык саясатка жооптуу вице-мэр Виктория Мозгачева. Бул тууралуу «Азаттыкка» Виктория Мозгачева кабарлады.

Ал иштен кетүү тууралуу арыз жазып, мэрдин милдетин аткаруучу Балбак Түлөбаев кол койгонун, Абдылдаевдин да арызы канааттандырылганын билдирди.

Баш калаанын биринчи вице-мэринен тышкары дагы төртөө, жалпысынан беш вице-мэри бар.

Бүгүн президенттин милдетин аткаруучу өкмөт башчы Садыр Жапаровдун буйругу менен Бишкектин мэринин милдетин аткаруучу болуп буга чейин өкмөттүн Ысык-Көл облусундагы өкүлү болуп иштеп жаткан Балбак Түлөбаев дайындалган.

Буга чейин «Бишкекжылуулукэнерго» ишканасынын директору болгон Мозгачева вице-мэрликке туура үч ай мурда, ал эми «Бишкекжарык» ишканасын жетектеп келген Алымбек Абдылдаев 1,5 ай мурда дайындалган болчу. (RK)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG