Линктер

ЧУКУЛ КАБАР!
15-август, 2020 ишемби, Бишкек убактысы 04:53

«Коопсуз шаардын» акчасына «Тез жардам» алынат


Корутунду

"Азаттык" радиосу коронавирус пандемиясына байланыштуу Кыргызстандагы жана дүйнөдөгү маалыматтарды тынымсыз жарыялап, андан коргонуу жолдору тууралуу да материалдарды даярдап келе жатат.

14-август, жума, саат 11:30га карата маалымат:

Бир сутка ичинде COVID-19 UO7.1 жана пневмония UO7.2 катталган жаңы учур 304тү түздү. 4 адам каза тапты.

Өлгөндөрдүн жалпы саны - 1 491.

Ушуну менен пандемия башталгандан бери инфекцияны жугузуп алгандардын жалпы саны 41 373кө жетти.

14-августка карата дагы 15 медициналык кызматкерге коронавирус жукканы белгилүү болду. Ошону менен пандемия башталгандан бери илдетти жугузуп алгандардын жалпы саны 3006га жетти, алардын ичинен 2288 медкызматкер айыгып чыкты. Каза болгон медкызматкерлердин саны 73төн ашты.

Ооруканадан айыгып чыккандардын саны - 33 622.

Бул сандар улам жаңыланып турат. Дүйнөдөгү кырдаалды бул шилтемеден билсеңиз болот.

18:52

Кыргыз өкмөтү күз-кыш мезгилинде COVID-19 пандемиясынын ыктымалдуу экинчи толкунуна каршы көрүлүп жаткан даярдык тууралуу маалымат берди.

Саламаттык сактоо министринин орун басары Мадемин Каратаев саламаттык сактоо уюмдарынын материалдык-техникалык базасын жакшыртуу, профилактика жана дарылоо, кадрларды даярдоо жана саламаттык сактоо тутумуна маалыматтык технологияларды киргизүү иштери жүрүп жатканын айтты. Бул иштердин бардыгы үчүн каржылоо булагы аныкталды.

Ушул тапта Бишкек шаарында (100 орундуу), Нарын (70 орун) жана Ош (100 орун) үч инфекциялык оорукана курулуп жатат. Аймактарда тогуз саламаттык сактоо объектисин оңдоо жана багытын өзгөртүү иштери жүрүүдө.

Саламаттык сактоо мекемелерине борборлоштурулган суюлтулган кычкылтек системасын жана 29 мекемеге газификаторлорду орнотуу каралган. «Коопсуз шаар» долбоорунан түшкөн каражатка «Тез жардам» автоунааларын сатып алуу, коронавирус менен ооругандарды диспансеризациялоо жана реабилитациялоо системасын түзүү пландалууда. Медицина кызматкерлеринин кадрдык резервин түзүү да мерчемделген.

Кыргызстанга пандемия келип жеткен март айынан бери коронавирустун курмандыктары 1 491 кишиге жетти. COVID-19 илдети 41 373 кишиге жугуп, анын 33 622си айыкты.

Пандемияда, өзгөчө оору күчөгөн июль айында «Тез жардам» автоунааларынын жетишсиздигинен улам өлкөдө дарыгерлер бейтаптарга жетишпей кыйналды. Айрым ыктыярчылар 24 саат бою тез жардамдын кызматын аткарып, абалы оорлошкон бейтаптардын үйлөрүн кыдырып жүрүштү.

Ооруканаларда орун жетишпей, өкмөт, ыктыярчылар менен ишкерлер күндүзгү жана кечки стационарларды уюштуруп, бейтаптарды тейлеп жатышты.

15:22

Быйыл 1-сентябрдан тарта 1-класска кирген 156 миң окуучу менчиктин түрүнө карабастан мектепке барып окуйт.

Ал эми калган класстардын баары онлайн режимде билим алышат. Бул тууралуу премьер-министр Кубатбек Боронов 14-августта өкмөттүн жыйынында билдирди.

«1-класстын 156 миң окуучусуна 100% мектептердин эшиктери ачылат. Баланын социалдык адаптациясы, окуу көндүмдөрү, колдун моторикасы жашында калыптанганы абдан маанилүү. Ошол эле учурда экинчи жагынан эпидемиологиялык кырдаалдын шарттары эске алынып, окутуунун алгоритмдери толук жана так иштелип чыксын», - деди Боронов.

11:42

Кыргызстанда бир күн ичинде коронавирус 304 кишиден лабораториялык жол менен жаңы аныкталды.

Коронавируска каршы күрөшүү боюнча республикалык ыкчам штабдын 14-августтагы маалыматына караганда, бир күн аралыгында вирустан дагы төрт киши кайтыш болду.

Каза болгондор Бишкек шаарында, Талас, Ысык-Көл жана Ош облустарында катталды.

Өлкөдө пандемия башталган март айынан бери коронавирустун курмандыктары 1491 кишиге жетти. Вирусту 41373 киши жугузуп алып, анын 33622си айыкты.

10:51

Республикалык ыкчам штабдын маалыматына караганда, коронавирус менен ооруган акыркы сегиз бейтап 13-августта госпиталдан сакайып чыкты.

Мурдагы транзиттик «Ганси» базасында ачылган «Семетей» госпиталы 47 күн иштеп, бул аралыкта 1500 бейтап, анын ичинен 300гө жакыны реанимацияда дарыланды.

Ушул тапта госпитал күз-кыш мезгилдерине жана коронавирус илдетинин экинчи толкунуна даярдалып жатат. Анда кошумча шарттар каралып, лаборатория түзүү пландалууда.

COVID-19 пандемиясы башталгандан бери Кыргызстандын ооруканаларында орун жетишпей, өкмөт, ыктыярчылар менен ишкерлер күндүзгү жана кечки стационарларды уюштуруп, бейтаптарды тейледи.

Дагы жүктөңүз

Пикирлерди көрүңүз (327)

XS
SM
MD
LG