“Азаттыктын” “Ыңгайсыз суроолор” программасы Бишкек Жылуулук-электр борборуна жумшалды делген 386 млн. доллардын чоо-жайын иликтөөгө алды. “Электр станциялары” ачык акционердик коому кытайлык TBEA компаниясы менен EPC контрактка кол койгон. Бул кыргызча айтканда курулушту ачкычка чейин өзү курат дегенди билдирет. Башкача айтканда курулушту долбоорлоо, материалдарды, жабдыктарды сатып алуудан баштап, көзөмөлгө чейинки бардык иштерди кытай компаниясы өзү жүргүзөт. Мындан улам Эсеп палатасы алардын ишин толук текшере албайт.