Океевдин эл көрө элек сүрөттөрү
Бишкектеги Гапар Айтиев атындагы Улуттук көркөм сүрөт музейинде кинорежиссер, СССРдин Эл артисти жана дипломат Төлөмүш Океевге арналган «Мезгилдердин чаңы артынан...» деген фото көргөзмө ачылды. Ага Океевдин жана ал өзү тарткан ак-кара түстөгү 200дөн ашык сүрөттөр коюлду. Сүрөттөр Океевдин үй-бүлөсүнүн жеке архивинен алынган. Аларды «Төлөмүш Океев» атындагы фонддун жетекчиси, Океевдин кызы Азиза Океева менен фотограф Александр Федеров иштеп чыккан.