Учурда кыргыз милиция кызматкерлери коомдук тартип сактап, жарандардын коопсуздугун камсыздап келет. Алардын түйшүктүү жумушу сүрөттөрдө. (Фото сүрөттөрдүн топтомун Гүлжан Турдубаева чогултту).
Кыргыз милициясы: мекендин жүгү оңой эмес
Жыл сайын 1-ноябрь күнү Ички иштер кызматкерлери кесиптик майрамын белгилейт. Мындан 94 жыл мурда дал ушул күнү Кара кыргыз автономиялык облусунда алгачкы милиция бөлүмү ишке кирген.
1
Өлкөдө 14 миңден ашуун милициянын кызматкери бар.
2
Милиция кызматкерлери коомдук коопсуздукту сактап, аны менен катар корруция, маңзаттарын жана курал-жарактарды мыйзамсыз алып жүрүү менен күрөшүп, оор кылмыштардын бетин ачуу, коопсуздуктун алдын алуу иштерин алып барат.
3
Ушул жылдын башында кыргыз өкмөтү милицияны полиция деп кайра түзүү демилгесин көтөрүп чыгып, демилге колдоо тапкан эмес.
4
Тартип сакчылары майрам күндөрү да кызматта.
5
Саясий кырдаал курчуган кезде милиция кызматкерлерине күн-түндү билбей иштөөгө туура келет.
6
Кыргыз бийлиги көп жылдан бери эле милицияны реформалай албай келет. Байкоочулар буга чейин ички иштер органдарында кызматкерлердин санын азайтуу, бир түзүмдү жоюп, башкасын түзүү, формасын өзгөртүү сыяктуу иштер жасалганы менен натыйжа чыкпаганын белгилешет.
7
8
Бүгүнкү күндө жол коопсуздугун көзөмөлдөгөн тартип сакчылары орточо эсеп менен 20 миң сомго чейин айлык акы алышат.
9
Милиция кызматкери болуп иштеген айымдар.
10
Кыргыз өкмөтү ЕККУнун көмөгү менен 1994-жылдан бери Ички иштер министрлигин реформалоо аракетин көрүп, төрт жолу атайын программа кабыл алган. Бирок коомдо милициянын кадыр-баркы артып, ишеним көбөйдү деп айтууга болбойт. Тескерисинче милиция кызматкерлеринин дарегине сын күч.
11
2017-жылы күч органдарын реформалоо тууралуу жарлыктын негизинде ИИМде өз алдынча алты кызмат - Криминалдык милиция, Тергөө, Коомдук коопсуздук, Ички иликтөө, Баңгизаттардын мыйзамсыз жүгүртүлүшүнө каршы, Экстремизмге жана мыйзамсыз миграцияга каршы кызматтар түзүлгөн.
12
Милициянын иши катаал. Ошого жараша айлык-маянасы жетиштүү эмес.
13
Соңку жылдары радикализм күч алганына байланыштуу милиция дин аалымдары менен иштеше баштады.
14
15
Өлкөдөгү туризм саясатын өркүндөтүү, эс алуучу жайларда коомдук тартипти сактоо максатында туристтик милиция бөлүгү да түзүлүп, анда чет тилдерди билген кызматкерлер иштей тургандыгын ИИМден билдиришти.
