Талапкерлер шайлоодон кийин эмне дешти?
15-октябрда өткөн президенттик шайлоонун жыйынтыгы боюнча ага катышкан талапкерлер өз бааларын берди. "Республика" партиясынын лидери Өмүрбек Бабанов шайлоочуларын чагымга алдырбоого, бөлүнбөөгө чакырды. Мурдагы өкмөт башчы Темир Сариев добуш берүүнүн жыйынтыгынан шек санабаш үчүн шайлоо мыйзамдарын өзгөртүү зарыл деп билдирди. Шайлоодо марага үчүнчү болуп келген Адахан Мадумаров добуш берүүнүн жыйынтыгына олуттуу таасир эткен мыйзам бузуулар болгонун айтып, шайлоонун жыйынтыгын тааныбай турганын билдирди.