Элдик революция аталган 2010-жылдын 7-апрелиндеги окуя менен 2012-жылдын 3-октябрындагы окуяны бирдей баалоого болобу?
Ушул тапта коомчулукта бул эки окуя укуктук-саясий жактан бирдей бааланышы керек деген пикирлер айтыла баштады. Деги эле 7-апрелде Кыргызстанда революция болдубу же төңкөруш болдубу? 3-октябрда бийликти күч менен алуу аракети болдубу же бейбаштыкпы? Бул жолку чыгарылышта ушул суроолорго жооп издедик. Талкууга милициянын генерал майору Өмүрбек Суваналиев жана коомдук ишмер, президенттик аппараттын мурдагы жетекчиси Эмилбек Каптагаев катышты.
