"Азаттыктын" Бишкек бюросунун видео-журналисти, фотограф. 2015-жылы Кыргыз-Түрк “Манас” университетинин коммуникация факультетин аяктаган.
Кыргызстандын ири шаарлары Бишкек, Ошто жана Чүйдүн айрым айылдарында мектептер жетишсиз болуп, айрым мектептерде балдар бир партага үчтөн отуруп окууга аргасыз. "Данисте" бул жолу Сокулук районуна караган эки мектептен болуп, окуучулардын бир күнүн тартып келди.
Чүйдүн көпчүлүк айылдарында эл мал багып, сүт сатып оокат кылт. Көбү сүттү Токмок жана Канттагы кайра иштетүүчү ишканаларга өткөрөт. Ал эми Кемин районунда азыр сүт иштеткен ишканалар жок.
Кыргыз Эл жазуучусу, Токтогул атындагы мамлекеттик сыйлыктын лауреаты Өскөн Даникеев “жазуучу болом деп дегеле ойлогон эмесмин” дейт. Анын негизги кесиби – тоо инженери.
Британияга барып айыл чарбасында иштеп келген кыргызстандыктар айлык, иштин шарттары тууралуу айтып беришти. Ноокенде үйгө чейин китеп жеткирип берүү кызматы иштей баштады. Бишкекте ымыркайы менен көчөдө калган аял кризистик борборго жайгаштырылды.
Бүгүн, 7-февралда А. Малдыбаев атындагы улуттук опера жана балет театрында көрүнүктүү кинорежиссер, сценарист, Кыргыз Республикасынын эл артисти Геннадий Базаровду акыркы сапарга узатуу зыйнаты өттү.
Бул жолку чыгарылышта "Азаттыктын" каармандарынын азыркы жашоосун көргөзөбүз. 13 жашында майыптыгы бар энесин жана инисин багуу үчүн базарда иштеген Айчүрөктүн азыркы турмушу. Жашоосун радиосуз элестете албаган 80деги Баткендин тургуну Пайзилла Калилов
Бишкекте күрөш боюнча Кыргызстандын чемпионаты өтүүдө. 21-январь күнү башталган мелдеште алгач грек-рим күрөшүнөн чемпиондор белгилүү болду. Бул чемпионат кыргыз спортуна жаңы ысымдарды таанытмакчы.
Турак жайы жок балдарын жалгыз асыраган атанын түйшүгү. Баа түшүп кетип дыйкандар дагы эле пахтасын сата албай турат. Ошто креативдүү жаштар үчүн борбор түптөгүсү келген уюм элден каражат топтоп жатат. Мариинск театрынын солисти Канат Надырбектин сагынычы.
Бишкектеги Азиздер жана дүлөйлөр коомунун мүчөлөрү жашаган батирлерде бир апта бою свет өчүп жатат.
Энергетика министри Таалайбек Ибраев кырдаалга байланыштуу "Азаттыкка" маек берди.
Жайлоого чейин каптаган пластикти кайра иштеткен ишкер. 60 жашка чыкканда жаңы кесип тапкан мугалим. Базарларда тутамдап сатылып тукум курут болгон баканы кантип сактап калабыз?
Кеминде 238 кишинин өмүрүн алган Казакстандагы Январь окуяларына бир жыл толду.
Баткенде чек ара чырында жабыркаган айылдардан чыгып кеткендердин 3 миңден ашууну үйлөрүнө кайта элек. Алардын миңге чукулу тынчтык издеп Бишкекке келген. Ушул тапта куралдуу жаңжалдан таптакыр жараксыз абалга келген 426 үйдү калыбына келтирүү иштери журуп жатат.
"Азаттык" Чолпон-Ата шаарынын чок ортосундагы мамлекетке караштуу жер тилкеси Кыргызстандагы кылмыш дүйнөсүнүн аталыгы атыккан Камчыбек Көлбаевдин жакындарына кантип өтүп кеткенин жана буга бийлик өкүлдөрүнүн кандай тиешеси болушу ыктымал экенин иликтеди.
Кыштай болуп кесилген таштан жолдор алгач Баткендин көчөлөрүндө пайда болууда. Адистер асфальт жолго караганда таш жол арзан жана сапаттуу деп ишендирип жатышат.
Кыргызстандагы хоккей спорту боюнча кыздардын жалгыз командасына азыр деле колдоо жок. Формасы, шарты жок команда көп мелдештерге катышпай калат."Азаттык" Ысык-Көлдүн Отрадное айылындагы хоккейчи кыздар тууралуу үч жыл мурун видео тартып,
Кеңешбек Шоруков 30 жылдан бери Түп районундагы Долон кыштагынан Жылдыз айылына чейин ат менен барып-келип иштейт. Иштеген мектебине жетүү үчүн күнүгө ат менен 10 чакырым жол жүрөт.
Кыргызстанда үй-бүлөдөгү зомбулуктан дагы эки келиндин жаш өмүрү жайран болду. 14-декабрда Кара-Сууда чогуу жашаган аялды өлтүрдү деген шек менен 49 жаштагы жаран кармалды. 11-декабрда Сокулук районунда жарандык никедеги эркектин ур-токмогунан 24 жаштагы келин ооруканада үзүлдү.
Чолпон-Ата шаарында жайгашкан Ысык-Көл райондук китепканасы ушул тапта автобекетте окурмандарга эшигин ачкан. Авариялык абалга кептелген китепкана турган Чолпон-Атанын так борборундагы жер жеке менчикке өтүп кеткени аныкталды.
Кыргызстанда акыркы эки жылда 20га жакын аял күйөөсү же чогуу жашаган адамдын колунан көз жумган. Ноябрдын башында Караколдо соода борборунда күйөөсү аялын бычактаган окуя коомчулукту дүрбөлөңгө салган эле. Жылына 10 миңден ашуун аял зомбулуктан жабыркап, милицияга кайрылат.
Дагы жүктөңүз
