Жаңыл Жусупжан, Прага. Ушул шейшембиде Оскар сыйлыктарына көрсөтүлгөн тасмалардын жана режисер, актерлордун ысымдары белгилүү болду. Голливудду чанган актер Хаувард Хафстын турмушун чагылдырган "Авиатор" тасмасы эң мыкты фильм категориясында эң көп добуш алды. Мыктылардын мыктылары арасында Леонардо ДиКаприо, Кейт Бланше, Алан Алда жана Мартин Скорсесе да бар.
Жаңыл Жусупжан, Прага Үстүбүздөгү айдан тартып Лондон университетинин Чыгыш таануу институтунда Борбор Азия элдеринин музыкалык мурастары боюнча жаңы курс ачылды. Ферганалык илимпоз Разия Султанова окуткан курс биздин аймактын маданиятын Батышта таанытуудагы маанилүү окуя болуп калды.
Балбай Алагушов, Бишкек. Кыргыз элинде кылымдардан бери «Таш түшсө таалайыңдан көр» деген канаттуу накыл кеп айтылып келет. Ансыңарындай Гүлчахра Валулина мелмилдеген учу-кыйырына көз жеткис, кең мекен Россиянын Челябенский аймагындагы Ичкин айылында төрөлсө да, тагдыр айдап, 30-жылдардын башында ата-энеси менен ордо калаага көчүп келет.
Кубат Оторбаев, Прага Жекшембиде Лос-Анжелесте “Эл тандоосу” деп аталган сыйлыктын кезектеги 31-жыйынтыгы чыгарылды. Америкалык көрармандар “Фаренгейт боюнча 9/11” аттуу документалдык фильмди “2004-жылдын эң мыкты фильми” деп аташты. Президент Жорж Буштун саясатын сынга алган даректүү тасманы тарткан режиссер Майкл Мур бул сыйлыкты балдары Иракта аскердик милдет өтөп жүргөн ата-энелерге арнай тургандыгын билдирди.
Жаңы жылдын түнү жомоктогудай окуяларга бай болот эмеспи. Американын Денвер шаарындагы үйсүздөр жаңы жылга аз калганда конолгонун жанына бир жип машине келип токтоп, айдоочу жүз долларлык купюраларды алып чыгып, элге тарата баштаганын айтып беришти...
Төрөкул Дооров, Москва. Жаңы жыл майрамын Орусиянын баш калаасында жашап, иштеп жүрүшкөн кыргызстандыктар биргеликте белгилешти. Бул жолу «Кыргыз биримдиги» уюму, студенттер жана башка топтор өткөрүшкөн түрдүү кечелер бир канча ирет мекендештердин башын бириктирип, жылуу маанайда өттү.
Айданбек Ташкенбаев, Бишкек 23-декабрда Бишкектеги Абдылас Малдыбаев атындагы опера жана балет театрында Кыргыз улуттук жазуучулар биримдигин уюштуруу курултайы болот. Ага мамлекет башчысы Аскар Акаевдин катышуусу күтүлүүдө.
Түркүн тилдерде сүйлөгөн черногориялык, алатоолук жана орхондук өнөрпоздор бир эле театр сахнасында өз эне тилинде ойноп, орток пьесаны сахналаштыра алабы? Салттык театр өнөрүндө бул – мүмкүн эмес көрүнүш. Азыркы европалык драма өнөрүндөгү оригиналдуу багыт болсо тилдер менен дилдердин жуурулушуусуна жетишкен дал ушундай ыкмага негизделген. Жекшембиде Прага шаарындагы «Алфред-ве-дворе» театрында көрүүчүлөргө сунуш кылынган жаңы оюн тууралуу азыноолак кеп козгойлу.
Бүгүнкү «Талант тагдыры» түрмөгүнүн жаңы саны кыргыз композиторлорунун чыгармачылыктарынын өзүнчө бир уясына айланган Союздун уюшулганына 65-жыл толгонуна, басып өткөн байсалдуу жолуна арналат.
Нарын Айып, Прага Интернет дүйнөсүндөгү эң күчтүү издөө системаларынын бирин түзгөн "Гугл" компаниясы келерки 5-6 жылдын ичинде бир нече миллион китепти компьютерлештирип, атайын китепкана түзө турганын жарыялады. Андай болгондо, дүйнөдөгү эң белгилүү китепканалардагы китептер менен гезит-журналдарды интернет аркылуу таап-окуса болот жана ал белгилүү ченемде бекер болот. Кээ бир эксперттер бул демилгеге XV-кылымда китеп басып чыгаруу башталганга тете окуя деген баа берүүдө.
Ырысбай Абдраимов, Жалалабат «Азаттык» үналгысынын негиздөөчүлөрүнүн бири Азамат Алтай көп жылдардан бери Кошмо Штаттардын Ньюйорк шаарында жашаганы менен жүрөгү кыргыз деп согуп турат. Ал Жалалабат Университетинин мыкты окуган жана көп бүлөдөн чыккан студенттери үчүн стипендия уюштурган. Чет өлкөгө куш тилиндей кат чыгартпаган Совет биримдиги мезгилинде Кыргызстандан алдырып топтогон адабий-маданий журнал-гезиттерин ушул Университетке тартуулаган.
Шайырбек Мукарамов, Прага Прага шаарындагы чех жана кыргыз жамааттары кыргыздардын маданий кечесин уюштуруп, ага Чехиянын ордо калаасында жашап жаткан америкалык жана европалык маданият изилдөөчүлөр, өнөр адамдары жана бөтөн элдин маданиятына, жашоо-шартына кызыккан чех жаштары катышты.
Дагы жүктөңүз