Доорубуздун даанышман ойчулу, чыгаан сүрөткери Чыңгыз Айтматовдун чыгармалары дүйнөнүн көп тилдерине которулуп, эли-жерин даңазалап келатат. Жазуучунун “Тоолор ураганда (Сардал кыз)” романы ушу тапта кыргыз тилине таржымаланууда. Көркөм сөз чеберинин 80 жылдык мааракесин утурлап “Азаттык” үналгысы анын чыгармачылыгы, коомдук ишмердиги, пенделик жашоо-турмушун чагылдырмакчы. “Бетме-бет” түрмөгүндө Ч. Айтматовдун жаңы чыгармасын филология илим кандидаты, доцент, белгилүү адабиятчы, илимпоз Мырзабек Жумаев менен философия илим кандидаты Карыбек Байбосунов талкууга алды.