Линктер

ишемби, 22-сентябрь, 2018 Бишкек убактысы 13:07

Күлкү кербени

"Москоу Таймс" (The Moscow Times) басылмасы жарыялаган карикатурада оңдогу каалгада "Тыңчылар үчүн гана" деп жазылган. 2012.

Украинанын бөлүгү болгон Крымдын Орусияга каратылышынан соң интернетте жайнап кеткен анекдоттордун бир шиңгили.




* * * * * * *

ИТАР-ТАССтын кабардашынча, Орусиянын президенти Путин Крым окуяларынан кийин АКШ, Жапония, Германия, Италия, Канада, Улуу Британия жана Францияны “Чоң Сегиздикке” (G8) мүчөлүктөн чыгарып салды жана бул өлкөлөрдүн лидерлерине G8 Сочиде өткөрө турган саммитке келүүгө тыйуу салды.

* * * * * * *

- Дима, мага Крымда жакшынакай дача белендеп коюшту.
- Володя, чет өлкөлөрдө кыймылсыз мүлк сатып алууга тыйуу бар эмеспи. Мамдума ушундай мыйзам кабыл алып койбоду беле.
- Муну караштырып көрүүгө болот.
- Мен эми Мамдумага чалып, бул мыйзамды кечеңдетүү жагын караштыргыла десемби?
- Сен көп эле тынчсыздана бербесеңчи. Деги, кайсы жүйөө менен Крымды чет өлкө жери деп карап жатабыз?

* * * * * * *

- Жаңылыктардан окудум: Крым окуяларынан кийин Украина орусиялык автоунааларды сатып алуудан баш тартууну чечиптир.
- Кызык го? Орусиялыктар өздөрү бул унаалардан эчак эле баш тартышкан эмеспи!

* * * * * * *

- Владимир Владимирович, эки жаңылык бар.
- Оболу жакшысынан баштачы.
- Европа менен Америка биз менен визасы жок режимди киргизүүдөн баш тартышты. Эми алар жакка өзүбүзгө керек атуулдарды оңой-олтоң алдырып жибере албайбыз.
- Ушунуң – жакшы кабар беле?! А жаман кабар дегениңчи?
- Э-э... Кытай бизге карата визасыз режимди жарыялап койду...


* * * * * * *

Путиндин көрөр көзү өзүнүн курбусуна даттаныптыр:
- Мен ага крем, крем керек десем, “Крым” деп чала угуп калган окшойт. Эми “коляска” десем, “Аляска” деп каңырыш угуп алса эмне болот?..

* * * * * * *

TT.
“Премьер” гезитинин баш редактору Роман Романенко.

Орусиялык журналист жана публицист, “Премьер” гезитинин баш редактору Роман Романенко президент В.Путинге өз облусунун тургундарынын атынан санааркоо, үмүт жана сатира учкуну ширелген катты интернет аркылуу жолдоптур.


* * * * * * *

Орусиянын президенти Владимир Путинге өлкөнүн Вологда облусунун тургуну, журналист жазган кат:

«Урматтуу Владимир Владимирович.

Биз орус тилдүү калктын укуктарын коргоо үчүн Крымга аскер киргизгиңиз келип жатканы тууралуу үйрөндүк.

Буга байланыштуу Сизге чоң өтүнүчүбүз бар: Вологда облусуна да аскер киргизсеңиз жакшы болоор эле. Мында каякты карабаңыз – бүтүндөй орус тилдүү калк жашайбыз жана биздин укуктарыбыз өлө бузулуп жатат.

Биздин кесел кишилерибиз тийешелүү дары-дармек ала албай, жакшылап дарылана албай жатат. Билим берүү деңгээлибиз жыл өткөн сайын улам төмөн түшүүдө. Балдар үчүн ийримдер четинен жабылып, айыл чарбасы болсо иш жүзүндө “оомийин” болду. Бардыгыбыз жабыркап жатабыз.

Биз Сизге абдан ыраазы болоор элек жана боштондукка чыгаруучуларга каршы эч кандай партизандык күрөш жүргүзүлбөйт деп кепилдик беребиз. Эл аралык санкцияларга деле кабылбасыңызды бөркүңүздөй көрө берсеңиз болот.

Бизге жеткен кабарга караганда, Крымдагы турмушту калыбына келтирүү үчүн абдан көп акча жумшаган жаткан экенсиз. Бизге саат уятыраак болсо да сурап калалык: ошол акчаны Вологда облусундагы тиричиликти калыбына келтирүү үчүн коротсок болоор эле. Болбосо облусубуз карызга белден өйдө батып калды, эч нерсега акча жетишпейт. Саат басып, бизге көпүрөлөр, жолдор, спорттук курулуштар, өнөр жай объекттери курулушу керек болуп, жаңы иш орундарын түзүү керек болуп жатканын карасаңыз!..

Сизге урматтообуз менен жана боштондукка чыгуу үмүтүн аркалоо менен,
Вологда облусунун орус тилдүү калайыгы”, -

деп журналист жана публицист, “Премьер” гезитинин баш редактору Роман Романенко бул Путинге арналган азил жана үмүт ширелген катты өз облусунун тургундарынын атынан интернетте жарыялаптыр.

Интернеттеги булак: URL: http://www.gorodche.ru/news/society/29916/

TT.

Дагы жүктөңүз

XS
SM
MD
LG