Линктер

дүйшөмбү, 24-сентябрь, 2018 Бишкек убактысы 02:32

Күлкү кербени

Айтпаса да түшүнүктүү. Кимбайке. 07.3.2011.

"Күлкү кербендин" кезектеги азилдер шиңгили - кыңыр ишти динге жамынып жасагысы келгендер тууралуу.

* * * * * * *

Талип менен хизбу-т-тахрирчи

— Ооганстандагы талиптер менен биздеги мыйзамсыз Хизбу-т-Тахрир уюмунун өкүлүнүн кандай окшоштук же айырмасы бар?

— Оболу окшош жагын айтсак – экөө тең айдыңдык (мамлекеттик башкаруудан дин иштери бөлүнгөн секулярдык) түзүлүштү кулатууну, ордуна халифат түзүүнү жакташат.

— Ал эми айырмасы?

— Талиптер муну куралдуу күч колдонуп, терррорчул аракет менен өздөрү жүзөгө ашыргысы келет. Хизбу-т-Тахрир уюмунун өкүлү болсо өз колуна курал кармагысы келбейт, бирок өздөрү үчүн кимдир-бирөө өлкөгө келип, куралдуу күч колдонуп, терррорчул аракет менен халифат орнотуусун каалашат.

* * * * * * *

Ажыны таарынтканда...

— Урматтуу ажы мырза, Сиз аялга кол көтөрбөш керек дечү элеңиз го?

— Антпеш керек, чырагым! Антпеш керек...

— Анда эмне үчүн аялыңыздын көзүнүн алды көгөрүп жүрөт?

— Эми урматтуу ажы атыккан күйөөсү токол алайын десе, каршы чыгып жатса, бир аз тарбияланып калды да!..

* * * * * * *

Чоң жаңылыштык

— Бир министр көп аял алууга уруксат кылуу керек дегенде, аны келекелеп сүйлөп туура эмес кылган экенмин, — деп мурдагы муфтий күрсүндү.

— Анчалык эмне болуп кетти, молдоке?

— Акылым болгондо, аны колдой берсем туура болмок экен. Ошондо министрлер, депутаттар өздөрүнө уруксат кылгандай мыйзам же токтом токуп алышканда, бир нече жылдан кийин мага да пайдалуу болмогун менин бул башымдагы көк кээм аңдабаптыр да!..

* * * * * * *

Оболу байбиче болуу укугун пайдаланат

— Урматтуу Шамчырак Майдан кызы, сиз мусулман кыз-келиндердин укугун коргогон уюм түздүңүз. Бирок көп аялдуулукту жактап чыкканыңызды кантип түшүнсө болот?

— Бул – менин укугум.

— Андай болсо, Сиз өзүңүз да кимдир-бирөөгө токол болууга макулсузбу?

— Оболу мен кимдир-бирөөгө байбиче болуу укугумдан пайдаланам да, муну кантип түшүнбөйсүз?..

* * * * * * *

Сонунбектин сонун документи

— Таксыр, мына бул дүкөнүңүздө адал колбасалар бар экен...

— Ооба, ошондой күбөлөгөн кагазы – сертификаты бар, алардын.

— Эгерде мындай кагазды жөн эле чаптап койсочу?

— Анда сертификаттуу болуп калат... Опе-ей, башымды тегеретип жибердиңиз го, каалаган колбасаңызды ала бериңизчи, деги!

Кардар кеткен соң:

— Чын эле, Сонунбектин фирмасы чаптаган сертификатты көрүп эле «адал» экен деп ишенип калып жатпайбызбы, — деп дүкөнчү ойлонуп калды.

* * * * * * *

Кудайга жалынганынын сыры

— Баланча депутат эмнеге ар аптада намазга жыгылып, кудайга жалынып-жалбарып жүрөт?

— Анын бир сыры бар экен: жамы мечитке барган сайын бул мыйзамчы: “О Кудай! Мени сактай көр! Башка мамлекеттин да жарандыгын алгандыгымды эч кимге, БШКга да билдире көрбө!” деп жалынат тура.

* * * * * * *

Базар чайканасындагы чатак

— Орун бошоткула, таксыр ажы келе жатат, төргө чыгаргыла! – деп Фергана өрөөнүндөгү бир базардын чайканасында элди шаштырып, чайкана кожоюну түйшөлүп калды.

— Мен бул кишини эч сыйлабайм, ага төрдү бошотпойм! – деди бир киши.

— Эмнеге?

— Бул киши башка мамлекеттин жараны деген жасалма паспорт жасатып, анан ошо мамлекеттин квотасы менен Мекеге барып келди. Мыйзамды бузган неменин ажылыгы кабыл болгонуна эч ишенбейм! — дептир тиги.

Муну уккан ажы чайканадан оолактап кетүүгө шашкан экен.

* * * * * * *

TT

“Нэйшн” басылмасынын карикатурасында Гитлердин режиминин адамзатка каршы мүнөзү чагылдырылган. Нью-Йорк. 05.4.1933.

Немис элинин өкүлдөрү фашисттик Германия өкүм сүрүп турган чакта деле нацисттерди жана алардын жолбашчысын шылдыңдаган азилдерди айтышчу. "Күлкү кербендин" кезектеги чыгарылышы.

* * * * * * *

Берлинде курал-жарак чыгарган ишканада жумушчу болуп иштеген бир немис айым төмөнкү анекдотту айткандыгы үчүн өлүм жазасына тартылган:

Гитлер менен Геринг Берлин шаарындагы өтө бийик үналгы мунарасынын төбөсүнө чыгышат.

– Берлиндиктерди шаттандыруу үчүн мен эмне кылсам болот? – деп Гитлер суроо салат.

Ага Геринг жооп берет:

– Ушул жерден ылдый секирип кетсең эле шаттанышат ко дейм.

* * * * * * *

Башка бир анекдот:

Гитлер акыл эсинен айныгандардын ооруканасына иш сапар менен башпагып калыптыр.

Ооруканадагы кеселдер жапатырмак тизиле калып, оң колдорун жогору карай шак көтөрүп, ага нацисттик салам беришти.

Гитлер алардын сабын четинен кыдырып баратып, бир ак халатчан айым колун ылдый түшүргөн бойдон турганын көрүп, андан ачуулана сурайт:

– Эмне үчүн сен мага башкалар сыяктуу кол көтөрүп салам бербей койдуң, ыя?

– Урматтуу фюрер, булар бүт акылынан айныган кесел кишилер, а мен болсо медайым болуп иштейм!

* * * * * * *

TT

Дагы жүктөңүз

XS
SM
MD
LG