Линктер

шейшемби, 15-октябрь, 2019 Бишкек убактысы 22:03

Күлкү кербени

Казакстандын ордо шаары.

Казакстандагы байтакты шаардын атынын өзгөрүшүнө байланыштуу соңку саясий окуяларга замандаштарыбыз ар кыл азилдерди жазууда. "Күлкү кербендин" кезектеги чыгарылышы.

* * * * ** **

- Мен бир уктап ойгондум эле, көнгөн президентим жок!.. Анан дагы бир тук эттим эле, “Астанам” жок!.. Эми эч уктабас болдум!..

* * * * ** **

- Казакстандын ордо шаары эми “Астана” деп аталбай калды.

- Кайрадан Акмоло шаары деп тарыхый атын беришиптирби?

- Жок. Мурдагы президентин атынан “Нурсултан” деп аташыптыр.

- Ка-ап!.. Биротоло кыскача, эркелетип “Нураке” дешсе болмок экен да-а... Тамгага да үнөм болмок...

* * * * ** **

Алматыда...

- Бүгүн Нурсултанда алай-дүлөй бороон болуп турат!.. – деп көгүлтүр экранда аба ырайы маалымдалууда.

- Эмне, аялына же кызы Даригага ачуусу келип жатабы? – деп күйөөсүнөн зайыбы сурайт имиш.

* * * * ** **

- Урматтуу Мажилис депутаттары! Менде жакшы сунуш бар: Астана – Нурсултан шаары болуп калды. Аны менен чектелбейлик. Мындан ары Алматы шаарын “Нурсулты” деп атасак, Шымкентти – “Нуркент” десек, атактуу Түркстан шаарын “Нурстан”, Актау шаарын – “Нуртау” деп атайлык. Бул сунушту мен айтканымды да тарыхка жаза салсаңар!..

- Агатай, жок дегенде бир калааны Токаевдин атына калтырып койсок жакшы болмок ко?..

* * * * ** **

- Коңшу Монголияда акча “тугрик” деп аталат экен.

- Аны билебиз гой. Эмнеге айтып калдың?

- “Нурик” деген болочокку акча бирдигине уйкаш болобу дейм да?

* * * * ** **

Актау шаарынан Астанага карай чыккан поюз жүргүнчүсүнө текшерүүчү опурулду:

- Кошумча төлөшуңүз керек, агатай!

- Эмнеге, чырагым?

- Сиз башка эски бир шаарга белет алыпсыз, биз бара турган темир жол бекети – Нурсултан шаарына таандык.

* * * * ** **

- Министр Даурен Абаевдин: “Астана Опера", "Астана-Арена", "Астана" телеканалдарынын аталыштары өзгөрбөйт. Ошондой эле өз аталыштарын Air Astana авиакомпаниясы, Astana Pro Team велокомандасы жана "Астана Арланс" спорттук командасы сактап калат. Биз дүйнөгө таанылган "Астана" брендин жокко чыгарбашыбыз керек”, – деген оюна кандай карайсыз?

- Кыйшык карайм. Атакемди таарынтып алышыбыз мүмкүн! - деди Дарига.

- Анда бул министрибизди кызматтан кетирсекпи? – деп өкмөт башчы чекесин кашыды.

* * * * ** **

(Ар кыл интернет булактарынан).

“Күлкү кербендин” кезектеги чыгарылышы Орусиядагы ардагерлердин бул өлкөдөгү пенсия реформасына байланыштуу такмазаларына арналды.

* * *

Путиндин жалындуу сөзүнөн кийин ардагерлер жакшы түшүнгөн жагдай ушул: көрсө, экономика Путин бийликке келе элек жагымсыз кезде “нөл” деңгээлде болуп турганда, ардагерлердин пенсиясы баары жоктун баарын сатып алууга жетчү экен. Ал эми Путин экономиканы ушунчалык тездетип илгери өнүктүрүп жибергендиктен, эми ардагердин акчасы күкүм нанга жетчүдөй нарктан өйдөгө эч жыла албай калыптыр.

* * *

Эми орусиялык эркектер "пенсия жашына жеттим" деп эки жолу майрамдай турган болуп калды: эски стилде 60 жашта жана жаңы стилде – 65ке чыкканда.

* * *

Ылайым пенсия жашын 65ке кечеңдеткен аткаминерлерди микроинсульт алган 65 жаштагы айдоочу тейлеп, эмканада көзү жакшы көрбөй калган 63 жаштагы медайым ийне сайып калса экен! – деп бирөө каргап-шилеген дешет.

* * *

Азыр өлкө илгерилөө жана өсүү менен гана алек:

Баалар өсүп жатат.

Салык өсүп жатат.

Доллардын курсу өсүп жатат.

Пенсия жашы өсүп жатат.

Уурдалган акчанын көлөмү өсүп жатат.

Олигархтын байлыгы өсүп жатат.

Путиндин бийлик мөөнөтү өсүп жатат.

Анан каяктагы “төмөндөө” жөнүндө ыйлап былжыра-ап жатасың сен?!.

​"Азаттыктын" материалдарына пикир калтырууда төмөнкү эрежелерди так сактоону өтүнөбүз: адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлерди жазууга болбойт. Эрежени сактабай жазылган пикирлер жарыяланбайт.​

Дагы жүктөңүз

XS
SM
MD
LG