2004-жылы өлкөнүн коомдук-саясий турмушунда кандай өзгөрүүлөр болушу мүмкүн? Жыл тогошоор алдында саясатчылар жана коомдук ишмерлер ушул суроонун айланасында «Азаттык» радиосуна өз пикирлерин айтышты.
30-декабрда Кыргызстандын президенти Аскар Акаев улуттук телекөрсөтүү аркылуу калктын суроолоруна жооп берди.
Сапар Орозбаков, Бишкек Дүйшөмбү күнү Жогорку Кеңештин Мыйзам чыгаруу жыйыны 2004-жылдын бюджетин талкуулап жатканда депутат Ишенбай Кадырбеков башкаруу аппаратын кармап турууга 9 млрд. сом каражат кетээрин айтты. Каржы министрлиги болсо бул маалыматты төгүндөп жатат.
«Социнформбюро» социологиялык кызматы Кыргызстандагы таасирдүү мамлекеттик жана коомдук 40 ишмердин атын атады. Таасирдүүлөрдү тандоо үчүн уюм эксперттерге 78 саясатчынын тизмесин сунуштаган.
Соңку эки жылда айылдарды суу менен камсыздоо жана санитария долбоору Нарын, Ысыккөл жана Талас облустарында иштеп жатат. Аны Дүйнөлүк банк, Улуу Британиянын Эларалык өбөлгө департаменти жана кыргыз өкмөтү биргелешип ишке ашырууда. Долбоор аталган облустардын 250 айылын таза суу менен камсыздоо максатын көздөйт. Бирок, Нарын облусунда долбоордун ишине сын-пикирлер көп айтылууда.
Жыл аягында чыгып аткан кыргыз басылмаларында жаңы жылдык куттуктоо, каалоо-тилектер арбын жарыяланды. Кой жылында Кыргызстан кыргыз мамлекеттигинин 2200 жылдыгын белгиледи. Өлкөдө саясий туруктуулук сакталып турат. Эски жылды узатып, жаңысын тосуу жөрөлгөсүн улантып, бул ирет да кыргыз басылмаларында жылдын мыктыларынын аты аталды.
Жогорку Кеңештин Мыйзам чыгаруу жыйыны «Кыргызстандын 2004-жыл үчүн бюджети жөнүндө» мыйзам долбооруна өзүнүн макулдугун берди. Мыйзамды Эл өкүлдөр жыйыны декабрдын башында кабыл алган.
Сапар Орозбаков, Бишкек Совет бийлигинин тушунда калктын айрым катмарларына берилчү социалдык жеңилдиктердин түрлөрү көп болуп, Кыргызстан эгемендик алып, коомдук түзүлүш өзгөргөнүнө карабай ал жеңилдиктер ошол бойдон сакталып кала берген. Дүйнөлүк банктын эксперттеринин пикири боюнча жарды өлкө азыр анын барын каржылай албайт. Алар кыскартылып, өтө муктаж гана үй-бүлөлөргө берилүүгө тийиш.
Тубаса майып балдарды дарылап, калыбына келтирүү-моралдык алпейим колдоону да, чоң акчаны да талап кылат. Ал эми болочок ымыркайдын жарык дүйнөгө келишине башынан сергек, камкор мамиле жасалса, бактысыздардын сана болор эле.
Эмдиги жылдын июнь айында Ысыккөлдө «21-кылымдагы Евразия – цивилизациялардын кагылышуусубу же диалогубу?» деген темада бир катар мамлекет башчыларынын жана эларалык уюмдардын жетекчилеринин катышуусунда жыйын өтүшү мүмкүн. Кыргызстандын Бельгия, Нидерланды, Люксембург, Франциядагы элчиси Чыңгыз Айтматовдун өткөн аптанын соңунда ЮНЕСКО жетекчиси К. Матцура менен жолугушуусунда мына ушул маселе талкууланды.
Азиза Турдуева, Бишкек Бүгүн Жогорку Кеңештин Мыйзам чыгаруу жыйынында «Кыргыз Республикасынын 2004-жылдагы бюджети жөнүндө» мыйзам долбоорун талкуулоо улантылат. Мыйзам долбоору палатада көп талаш-тартыштарды пайда кылды.
Жыргалбек Касаболотов, Прага Ирандагы жер титирөөдөн жабыр тарткандарга эл аралык коомчулук жардам көрсөтө баштады. Бир катар өлкөлөрдүн куткаруучулары бул өлкөнүн Бам шаарындагы урандылардын арасында калгандарды тирүү алып калуу аракетинде. Бирок чынында алардын көбү аман калганына үмүт аз.
Дагы жүктөңүз
