Конституциялык Соттун мүчөсү Марат Кайыпов апта этегинде ооруканадан сакайып чыкты. Судья айдын башында белгисиз бирөөлөрдүн таягынан жабыркап, Бишкектеги № 4 оорукананын травматология бөлүмүнө жаткырылган. Жакында шаардык милиция сотко кол салуу менен байланыштуу окуянын саясат менен байланышы жок деп билдирди. Бирок, жабырлануучу мындай бүтүмдү жоопкерсиздик катары баалоодо. Ооруканадан чыгаар алдында кабарчыбыз окуянын чоо-жайын сурап Марат Кайыповго кайрылып, маек курган.
Кожогелди Култегин, Ош Президент Аскар Акаев өлкөнүн түштүк аймагына жасаган иш сапарын 23-январь күнү Ош облусунда улантып, акыйкат башкарууга жана социалдык мобилизацияга арналган жыйында сөз сүйлөдү.
Бакыт Аманбаев, Бишкек 16-январдан 21-январга чейин Кыргызстандын Тышкы иштер министри Аскар Айтматов баштаган делегация Жапонияда иш сапары менен болду. Бүгүн Аскар Айтматов иш сапарынын жыйынтыгы тууралуу маалымат жыйынын өткөрдү. Тышкы иштер министринин айтымында, Жапониянын жогорку бийлик өкүлдөрү Кыргызстанды Жапония менен Борбор Азия Кызматташтык Уюмунун ортосундагы кызматташтыкты чыңдоодо ортомчулук милдетин аткарууну өтүнгөн.
Кыргызстанда ушул жылдын июль айынан баштап паспорттун жаңы үлгүсү пайдаланууга берилери күтүлүүдө. Бул демилге өкмөт тарабынан Кыргызстан атуулдарынын коопсуздугун коргоо максатында көтөрүлүүдө жана ал Эл аралык уюмдар тарабынан колдоого алынып жатат. Жаңы паспорттун кандай өзгөчөлүктөрү бар? Кандай тартипте киргизилет?
Шайырбек Эркин уулу, Баткен Президент Аскар Акаевдин демилгеси менен 1995-жылы Баткенде Максат деген айыл курулган. Анын жайгашкан жери - Лейлек районундагы Кулунду өрөөнү менен Тажикстандын чегинде. Кошуна тажик атуулдарынын Кыргызстан аймагына отурукташуусун чектөө максатында негизделген бул айылга райондун жери тартыш башка айылдарынан жаш үй-бүлөлөр көчүрүлүп келишкен. Бирок, алардын көпчүлүгү даяр үйлөрдү таштап, кайра мурдагы турагына кайтып жатышат.
13–январдан 20-январга чейин Кыргызстандын бокс боюнча тандалма командасы Филиппин ɵлкɵсʏндө өткөн Азия чемпионатына катышып, олжолуу кайтып келишти. Азия биринчилиги үчүн 26 мамлекеттен тандалма бокс чеберлери күч сынашты.
Кыяс Молдокасымов, Бишкек ХIХ кылымда жашап өткөн кыргыздын чыгаан инсандарынын бири, Кокон хандыгында Аскер башчы болгон Алымкул аталык тууралуу көп эле айтылгандай болду. Бирок, ал Өзбекстандын Анжиян областына караштуу айылда жашагандыгы үчүн анын тегин териштирген учурда Өзбекстандык айрым окумуштуулар аны өзбек деп жазышат. Ал эми Кыргызстандан жарык көргөн эмгектерде Алымкул аталыктын ысымы эскерилбей калган учурлар көп эле кездешет.
Ырысбай Абдыраимов, Жалалабад Президент Аскар Акаев Жалалабад облусундагы коомчулук менен жолугушууда быйыл тойлорго гана эмес, шайлоо алдындагы үгүт өнөктүктөрүнө да мораторий жарыялоо сунушун айтты. Ал эми айрым атуулдар анын бийлик башында көп жыл кала берүүсүн каалаарын жана ага Кыргыз Эл баатыры наамынын ыйгаруу маселесин козгошту. Президент менен жолугушууга атайын тандалган кишилердин чакырылганын нааразы болгондор да болду.
Азиза Турдуева Мыйзам чыгаруу жыйынынын айрым комитеттеринде маалымат каражаттарына байланыштуу мыйзамдарга өзгөртүүлөр менен толуктоолордун киргизилишине байланыштуу мыйзам долбоору каралууда. Жакын арада бул маселе палатанын кароосуна сунушталат. Бирок, бул маселе боюнча палатанын депутаттары карама-каршы көз караштарын билдиришүүдө.
Сапар Орозбаков, Бишкек 1-январдан тартып акционердик коомдордун жалпы чогулуштары өткөрүлө баштады. Быйыл андай жалпы чогулуштар өткөн жылы кабыл алынган «Акционердик коомдор жөнүндө» мыйзамдын негизинде жаңы тартип менен өткөрүлүүгө тийиш.
Орто кылымдагы кыргыз чарбасынын мүнөзүн аныктоо менен алардын коомдук абалын жана калкынын курамын калыбына келтирүү үчүн олуттуу далаалат кылса болот.
Мыйзам чыгаруу жыйынынын төрагасы Абдыганы Эркебаев КООРТ сыналгы каналын сотко берерин билдирди.
Дагы жүктөңүз
