2010-жылы Кыргыз мамлекетинин алдында Конституцияны өзгөртүү, бөлүштүргүч компанияларды менчиктештирүү маселелери турат. Андан сырткары бийликтин кошуна өлкөлөр, оппозиция менен мамилесинин андан ары өрчүшү жаңы жагдайларды жаратышы ыктымал.
Иран таза уранды Казакстандан сатып алуу боюнча жашыруун келишим түзүп жатканы жөнүндө имиштер айтылып жатат. Мунун алдынан Иран шейшембиде өзүнүн өзөктүк программасы боюнча эларалык коомчулуктун сунушун дагы бир жолу четке каккан эле.
16-24-январда Москва шаарында Шериктеш жана Балтия өлкөлөрүнүн Кубогу өтөт. Өткөн жуманын этегинде “Шериктештик” турнирине катышканы турган чемпион командалардын атаандаштары аныкталды. Чучукулак кармоонун жыйынтыгында Кыргызстандын алты жолку чемпиону “А” тобунда күч сынашат.
Өтүп бараткан жылы газ маселеси Кыргызстандын талылуу көйгөйлөрүнүн бири болду. Өзбектер карыз көбөйдү деп “көгүлтүр отунду” бууп салып, кыргыздар жакшы эле түйшүк тартты. Эми да минтип эки тараптуу сүйлөшүүлөр толук ачыкталбай, кошуналар газды канча баада сатаары бүдөмүк бойдон калууда.
Саясат таануучу Марс Сариев Өзбекстан Орусия менен мамилеси жакшырып бараткан азыркыдай шартта расмий Бишкек менен Ташкендин тил табышуусу татаалдайт, ошол эле учурда орус-кыргыз алакасы начарлашы Кыргызстандагы абалды кыйындатат деп эсептейт.
Өткөн жылдарга караганда чек арачылардын иши, аракети күчөгөнү быйылкы жылда байкалды. Адистердин айтымында, ошондон улам чек арада коомчулуктун көңүлүн бурган окуялар катталды.
“Ак шумкар” партиясынын төрагасы Темир Сариев Конституцияга өзгөртүү киргизүү боюнча долбоор президенттин ыйгарым укуктарын бекемдөөнү көздөп, бийликти мураскерине өткөрүп берүүгө ыңгайлуу шарт түзөт деп эсептейт. Бул тууралуу саясатчы “Азаттыктын” таңкы түз обосунда билдирди.
28-декабрда Ташкенде Кыргызстан менен Өзбекстан ортосундагы экономикалык карым-катыш өкмөттөр ортолук комиссиянын кезектеги отурумунда талкууланды. Расмий Ташкен ири ГЭС курулуштарын коңшу өлкөлөрдүн кызыкчылыгын эсепке алуу менен эларалык эксперттердин бүтүмүнө таянып жүргүзүү зарылдыгын билдирди.
Оштогу “Голден Гоал” аттуу коомдук бирикме Кыргызстанда адам сатуу өнөкөтү жыл санап күчөп жатканына кабатырлануусун билдирди. Эл аралык адистердин маалыматы боюнча, 2007-жылы 4 миң кыргызстандык атуул чет өлкөдө кулчулук азабын тартса, 2008-жылы бул көрсөткүч 5 миң адамга жеткен.
Бүгүн (27-декабрда) Өзбекстандын парламентинин төмөнкү палатасына шайлоо жүрдү. Кыргызстанда жашаган коңшу өлкөнүн жарандары жана бейөкмөт уюмдар саясий өнөктүк адилет өткөнүнө ишенбей турушат Алар Ислам Каримовдун режими алмашмайынча, мамлекетте демократия жөнүндө кеп кылуунун кажети жок деп эсептешет.
Өзбекстандагы шайлоого чыныгы демократияны көздөгөн партиялар катыша алышпады. "Буга Ислам Каримовдун диктатурасы жол бербейт" дейт кыргыз саясатчысы Топчубек Тургуналиев.
Бүгүн Өзбекстанда парламенттик шайлоо өттү. Борбордук шайлоо комиссиясынын билдиргенине караганда, шайлоочулар добуш берүүгө жогорку активдүүлүк менен катышты. Шайлоо өлкө парламенти – Олий Межлистин төмөнкү палатасындагы 135 орун үчүн өткөрүлдү. Төмөнкү – Мыйзам чыгаруу палатасындагы мандаттардын саны мурдагы 120дан 150гө көбөйтүлгөн. Өзбекстанда добуш берүүгө укуктуулардын жалпы саны 17 миллион адам.
Дагы жүктөңүз
