Улан Эшматов Ооганстанда БУУнун мурдагы согушкерлерди куралсыздандырууга багытталган программасы ишке киргизилүү алдында турат. Бирок, жыйырма жылдан ашуун уланган согуштан кийин ооган моджахеддеринин көпчүлгү колундагы куралын оңой эле таштоого макул эмес. Өз келечегинен тынчызданышкан можахеддер өкмөт ишенимдүү убада бермейинче куралсызданбай турганын айтышууда.
Даңазалуу куудул киноактер жана режиссер Чарли Чаплиндин тасмалары видеотасма түрүндө гана эмес, DVD форматында да сатыкка түшүүдө. Алардын арасында 1940-жылы тартылган жана германдык нацизмдин жолбашчысын шылдыңга алган айтылуу “Улуу диктатор” (The Great Dictator) тасмасы да бар. Адолф Гитлердин бейнесин жана идеяларын сатиранын курч шылдыңына айландырган британдык киноактер жана режиссер тууралуу баянга назар салыңыздар.
АКШ президенти Жорж Буш шаршембиде маалымат жыйынын өткөрүп, Америкага каршы жаңы террордук чабуулдар жасалышы мүмкүн экенин эскертти. Бир саатка созулган журналисттер менен жолугушуусунда америкалык президент Ирак, Иран, Жакынкы Чыгыш, АКШнын коопсуздугу, экономикалык абалы сыяктуу актуалдуу суроолорго жооп берди. Ал тапта ушул эле маселелерге байланыштуу президент Буштун саясаты АКШ Конгрессинде кескин сынга кабылууда.
Бүбүкан Досалиева, Прага АКШ Ирактын мурдагы президенти Саддам Хусейнди кармоого катуу киришип, анын эртеби, кечпи ишке ашаарына үмүттөнүүдө. Саддамдын уулдары Удай менен Кусайдын өлтүрүлүшү жана аларды жоктоп зарлап жаткандыгын билдирген Саддамдын үнүнүн угузулушу мындай үмүткө өбөлгө түздү. Ал эми Башкаруу кеңеши өз төрагасын тандап, Ирактын мындан аркы келечегин түптөөгө киришти.
Тынчтыкбек Чоротегин, Прага шаары Мао Цзедундун үчүнчү аялы, айтылуу Цзян Цин жөнүндө Америкада бир нече китеп чыккан. Өткөн ишембиде болсо АКШнын Нью-Мексико штатынын борборунда “Мао айым” ('Madame Mao') деп аталган операнын премьерасы болуп өттү. Операны америкалык 47 жашар композитор, теги кытайлык Брайт Шең жазган. Деги, Мао айымдын өзү ким болгон?
Арабдардын "ал-Арабия" телеканалы Ирактын мурдагы лидери Саддам Хусейндин өткөн аптада набыт болгон уулдары Удай менен Кусайды жоктоп кайгырып, ага байланыштуу өз жактоочуларына айткан акыл-насаатын угузду. Азырынча аудиокассетага жаздырылган үн дал Саддамдыкы деп бир беткей айтуу кыйын. Ал учурда Ирактын АКШга баш ийген Башкаруу кеңеши 9 кишиден турган комитет шайлап, анын мүчөлөрү кезектешип президенттик милдетти аткарат деген чечимге келди.
Американын эң атактуу куудулу Боб Хоуп ушул жекшембиде Калифорниядагы үйүндө оо дүйнөгө аттанды. Жарым кылым радио угармандардын, теле жана кино көрүүчүлөрдүн, чет өлкөлөрдө турган жүз миңдеген америкалык аскерлердин жарпын жазып, америкалык президенттер менен гольф ойногон атактуу куудул быйыл туура жүз жашка толгон эле.
Шейшембиде Кошмо Штаттардын мамлекеттик департаменти 30 мамлекет АКШ жетектеген эл аралык бейпилдик күчтөрүнүн алкагында Иракка аскер жиберүүгө макулдугун берди деп жарыялады. Байкоочулардын пикиринде, алардын көпчүлүгү БУУнун Ирак боюнча жаңы резолюциясы тез арада чыгып калаар деген үмүт менен өлкөгө символикалык гана сандагы жоокерлерин жиберип жатышат.
Израилдин премьер-министри Вашингтондо АКШнын президенти менен жолугуп, Израилдин палестиналыктар менен элдешүү аракеттеринин күңгөй-тескейин талкуулап кайтты. Ал эми палестиналык аймактарда бийликтин алсыздыгынан улам саясий тирешүү жана зордук-зомбулук күн санап тереңдеп барат.
Айданбек Акмат уулу, Прага шаары «Эмнести интернешнл» жана «Хьюман райтс уотч» уюмдары дүйнө жүзүндө адам укуктарынын бузулушу боюнча ар кыл иликтөөлөрүн, баяндамаларын чыгарып турушат. Деги бул уюмдар качан уюштурулган, алар маалыматты каяктан алышат жана кандай баалашат? Азыркы учурда алардын алдында кандай маселелер турат?
1-май күнү АКШ Саддамга каршы согуштун негизги бөлүгү аяктап калганын жарыялагандан бери Ирактагы куралдуу кагылышууларда 50гө жакын америкалык аскер курман болду. Өлкөнүн ар башка аймактарында чакан партизандык топтор чет элдик аскерлерге каршы чабуулун улантып жаткандыктан, Ирактагы америкалык командачылык бейпилдикти күзөтүү тактикасын өзгөртүүгө киришти.
Израилдин премьер–министри Ариэль Шарон менен АКШнын президенти Жорж Буштун Вашингтондогу жолугушуусунда жөөт-палестин чатагын жөнгө салууну караган "Жол картасы" тынчтык планын аткарууга байланышкан маселелер талкууланды. Ушул эле максат менен өткөн аптада АКШда палестин өкмөт башчысы Махмуд Аббас болгон эле. Вашингтон жөөт өкмөтү көрүп жаткан аракеттерди, анын ичинде 500дөн ашуун палестинди бошотуу жөнүндөгү чечимин кубаттады. Мындай чечим премьер-министр Шарондун АКШдагы визитин утурлай кабыл алынган.
Дагы жүктөңүз
