Жума күнү Түндүк Корея Өзөктүк куралдарды жайылтпоо жөнүндөгү Эл аралык келишимден чыгып жатканын жарыялады. Бул жаңылыкты коңшулаш өлкөлөр жана жалпы эл аралык коомчулук терең тынчсыздануу менен тосуп алды. Ал учурда Кошмо Штаттардын Нью-Мексико штатынын губернатору Түндүк Кореянын эки элчиси менен жолугуп, Пхеньяндын түпкү максаттарын билүүгө аракет кылууда.
Перси булуңуна Кошмо Штаттары өзүнүн аскер контингентин топтоп жатканына карабастан Ирак проблемасын жайчылык менен жөнгө салганга дале мүмкүнчүлүктөр бар. Бул тууралуу Вашингтон администрациясынын өкүлдөрү,президент Жорж Буш өзү ырастоодо. Ал кандай мүмкүнчүлүктөр?
Бириккен Улуттар Уюмунун инспекторлору жакынкы күндөрдө Ирактын бир катар илимпоздорун Багдаддан тышкары жактарга, атүгүл коңшулаш өлкөлөргө чакырып,алар менен сурак-сопкут өткөргөнү жатышат. Инспекциянын жетекчилери Багдад бийликтеринен атомдук, химиялык жана биологиялык куралдарга байланыштуу жетерлик маалымат алышпагандыгын айтышып, Ирактын аскери программасын түзүүгө катышкан окумуштуулар көп иштин башын ачканга жардамдаша алат эле деп эсептешет.
Кыргызстандын Конституциясына киргизиле турган өзгөртүүлөрдүн жана толуктоолордун жалпы элдик талкуусун жыйынтыктоо тууралуу Президент Аскар Акаевдин 2-январдагы жардыгына байланыштуу Конституциялык Кеңешменин алты мүчөсү, Мыйзам чыгаруу жыйынындагы «Кыргызстан коммунисттери» фракциясынын жана «Кыргызстан» тобунун алты депутаты атайын билдирүү менен чыгышты.
Өткөн жылдын 6-сентябрында Кыргызстандын Коопсуздук Кеңешинин катчысы Мисир Ашыркуловдун өмүрүнө кол салуу болгон. Андан кийин 27-декабрда «Дордой» базарынын бир ыптасындагы «Оберон» базарында катуу жардыруу уюштурулду. Бул окуялардын бири-бири менен байланышы барбы? Же булардын баары өзүнчө уюштурулган иштерби?
Үйкамакта жаткан ирандык таасирдүү диниятчы, аятолла Хусейн Али Мунтазаринин саламаттыгы кескин начардап кеткени кабардалууда. Эгерде расмий бийлик Мунтазарини боштондукка чыгарбаса, анда азыркы рухий жолбашчы айатолла Али Хаменейи менен теңата болчу диниятчы катары саналган жана президент Мухаммед Хатаминин олуттуу колдоочуларынан болгон бул карыя үйкамакта жатып көз жумушу да ыктымал.
Баян Жумакадыр кызы, Прага Түндүк Корея өз ара мамилелердеги проблемаларды жөнгө салуу боюнча Түштүк Кореянын сунушуна макул болду. Жакынкы күндөргө белгиленип жаткан сүйлөшүүдө Сеул ошондой эле Пхеньянды атомдук программасын токтотконго көндүрүү үчүн да аракеттенет.
Шаршемби күнү куптан ченде Түркиянын түштүк-чыгышындагы Диярбекир шаарында жерге конгону барткан жүргүнчүлөрдү ташуучу түркиялык самолет кыйроого учурады. Кырсыктан 75 адам өлүп, беш адам тирүү калды. Ырасмий маалыматтар боюнча, авиакырсыкка калың туман кедерги болгон.
9-январда британдык Согушту жана тынчтыкты чагылдыруу институтунун Кыргызстандагы өкүлчүлүгү адам укугу темасында «тегерек үстөл» өткөрүп, анда негизинен Аксы районунун жашоочуларынын проблемалары талкууга алынды. Жолугушууга Аксы районунан келген мугалимдер жана бийлик өкүлдөрү катышты.
Өткөн айдан тарта өзөктүк программасын жанданткан Пхеньян, өзүнүн бул аракетинен улам келип чыккан Корей жарым аралындагы кризис үчүн АКШны айыптоодо. Түндүк Кореялык гезиттер, «Кошмо Штаттар Пхеньян тууралуу жалган маалымат таратып, эки Корей Республикасынын ортосунда от тутантууга умтулууда» деп жазышууда. Шейшембиде Вашингтон Пхеньян менен сүйлөшүүгө даяр экенин жарыялап, бирок эч кандай шарттарга көнбөй турганын эскертти.
Баян Жумакадыр кызы, Прага Жакында Германияда өткөрүлгөн сурамжылоолор немецтердин теңинен көбү азыркы өкмөткө ишенбей турганын көрсөттү. Канцлер Герхард Шрөдердин рейтинги да былтыркы жылдын ушул маалына караганда кыйла төмөндөп кеткени айгине болду. Мындан жарым жылдай илгери эле шайланган өкмөткө элдин ишеними эмне себептен төмөндөп баратат?
Кошмо Штаттары, акыркы маалыматтар боюнча, борбордук командачылыктын өкүлдөрүн Флорида штатындагы башкы кеңседен Катардагы аскери базага көчүрө баштады. Пентагондун өкүлдөрү муну Иракка каршы согуштун башталары айныксыз иш болуп калгандыгын билдирбейт деп ырасташты. Ал эми америкалык айрым аскери эксперттер болсо Вашингтондун Перси булуңундагы куралдуу акциясы февралдын этегинде – марттын биринчи он күндүгүндө башталышы ыктымал деп болжолдошууда. Ирактын айланасында күч алып бараткан саясий күдүң-күпүр сөздөр мунай экспорттоочу өлкөлөрдүн уюму - ОПЕКти чукул жыйынга чогулганга аргасыз кылгансыды. Жыйын алдыдагы дем алыш күндөрү Венада өтүшү ыктымал.
Дагы жүктөңүз
