Нарын АЙЫП, Прага Өзүнүн өзөктүк изилдөөлөрүн кайрадан жанданткан Түндүк Корея кошуна Түштүк Кореяга кайрылып, аны америкалык баскынчылыкка каршы биргелешип күрөшүүгө чакырды. Сеул болсо өзүнүн улуу даражалуу дипломаттарын Бээжин менен Маскөөгө жиберип, Түндүк Корея маселесин жумшартууга аракеттенүүдө.
Кыргызстандын ички иштер министринин орун басары, Бишкек шаардык ички иштер башкармасынын башчысы Кеңешбек Дуйшебаев «Бишкектин четиндеги «Дордой» базарындагы жарылууга жардыргыч заттын жарылуусу башкы себеп болгон», - деп эсептейт.
Дүйнө коомчулугу Жылкы Жылын узатып, 2003-жылды – Кой Жылын шаан-шөкөт менен тосуп алды. Жаңы жылды көчөдө тоскон калктын коопсуздугун камсыз кылуу үчүн жүз миңдеген тартип сактоо кызматкерлери уйку көрбөй иштешти. Дүйнө калкынын жаңы жылдагы башкы тилеги – бейпилдик болууда.
Абдыганы Жиенбаев, “Азаттыктын” казак кызматынын кабарчысы Кыргыз Республикасынын Америка Кошмо Штаттарындагы элчиси Бакытбек Абдрисаев менен маек.
Жыл тогошор маалга саналуу убакыт калды. Быйылкы жыл тарыхка кандай санжыра менен кирет? Дегеле быйыл эсте калар кандай маанилүү жана орчундуу окуялар болду?
28-декабрда саясий изилдөөлөрдүн «Келечек долбоору» коомдук фондунун демилгеси менен «Кыргызстандагы конституциялык реформа жана демократиянын болочогуна» арналган «тегерек үстөл» талкуусу уюштурулду. Жыйынга бейөкмөт уюмдар, саясий партиялардын өкүлдөрү, белгилүү саясатчылар, укук таануучулар катышты. Кыргызстандын Баш Мыйзамын жаңылоонун жалпы элдик талкуусу эмдиги жылдын 2-январында аякталат.
Кыргыз коммунисттери кыйладан бери орус-белорус биримдигине кошулуу аракетин жасап келатышат. Эки славян өлкөсүнүн биримдигине кошулууну жактоочулар менен андайды жактырбагандар деле бир топ. Республикадагы оор экономикалык абал мурунку социалисттик доорду эңсөөнү, кайсы бир кубаттуу өлкөнүн канаты алдында калкалануу демилгесин жаратууда.
Быйыл Кошмо Штаттардын президенти Жорж Буштун саясий ооматы жүргөн жыл болду. Анын партиясы ноябрдагы шайлоодо конгресстин эки палатасын тең контролдогонго жетишти. Президенттин калк арасындагы алымдуулугу али төмөндөй элек. Бирок “Азаттык” радиосунун суроолоруна жооп беришкен америкалык бир катар эксперттер Буштун ыкыбалы бир күндө эле бөксөрө түшүшү мүмкүн дешет. Эмнеге?
Нарын АЙЫП, Прага 27-декабрда чак түштө Грозный шаарындагы өкмөт үйүнө жардыруучу зат жүктөлгөн эки машине келип урунганда, элүүдөн ашуун адам курман болду. Экинчи Чечен согушу учурунда бул - ишке ашкан эң ири террор аракети. Ушул эле күндөрү Францияда да тогуз адам кармалды жана алар Орусиянын Париждеги элчилигин жардырууну көздөгөн деп айтылууда.
27-декабрда Бишкек шаарындагы «Дордой» базарында жарылуу болуп, анын натыйжасында, алгачкы маалыматтар боюнча 7 адам каза таап, 18 адам жаракат менен ооруканага жаткырылды. Кырсыкты изилдөө максатында башында биринчи вице-премьер-министр Курманбек Осмонов турган өкмөттүк комиссия түзүлдү.
Нарын АЙЫП, Прага Өлкө конституциясына өзгөртүү киргизүү тууралуу мыйзамды Түркия парламенти 27-декабрда экинчи жолу кабыл алып, президенттик ветону жокко чыгарды. Эми бийликтеги партиянын төрагасы Режеп Тайип Эрдоган февралда парламентке шайланып, кийин өкмөттүн башына да келиши мүмкүн.
Нарын АЙЫП, Прага Түркмөнстан, Пакистан жана Ооганстандын жетекчилери 27-декабрда Ашгабат шаарында Түркмөнстандан Пакистанга чейин газ куурун жаткыруу боюнча келишимге кол коюшту. Анын алдында болсо, 26-декабрда Ашгабатта оппозиция жетекчиси Борис Шихмурадов кармалды.
Дагы жүктөңүз
