Айданбек Ташкенбаев, Бишкек 26-декабрда Украинада президенттик шайлоо болуп өттү. Анда оппозиция лидери Виктор Ющенконун жеңишке жетишкени маалымдалууда. Кыргызстанда бир катар саясатчылар муну мыйзам ченемдүү көрүнүш катары бааласа, добуш берүүнүн чынчыл жана акыйкат болгонуна шектенгендер да бар.
Кубат Оторбаев, Прага Ирандын ядролук программалары көптөн бери эле эларалык саясатта кызуу талаш-тартыштарды жаратып келатат. Бул темага кайрылбаган америкалык жана ирандык саясатчылар жокко эсе. Ал эми бул маселеге карата ирандык карапайым элдин пикири кандай?
Кыяс Молдокасымов, Бишкек Кыргызстанда демократиялык жараяндын мындан ары өнүгүшүнө, шайлоонун адилет өтүшүнө ар дайым көмөктөшө берээрин билдиргени үчүн АКШнын Кыргызстандагы элчиси Стивен Янг эки айдан бери өкмөттүк маалымат каражаттарынын башкы каарманы болуп келет. Аны ар тараптан сынга алып, чоң саясатка айландырууга аракеттер бардыгын айрым байкоочулар белгилешүүдө. Айрыкча Украинадагы шайлоодон бери Мамлекет башчысы да «сырткы күчтөрдүн кийлигишүүсү күчөөдө» деген сөзүн эл алдында байма-бай айта баштады.
Муса Мураталиев, Москва Украинада өткөн президентти шайлоодо оппозициячыл талапкер Виктор Ющенко жеңишке жетишти. Алдын ала чыгарылган жыйынтыкта Ющенко атаандашы Виктор Януковичке караганда 8 пайызга көп добуш чогулткан. Украинанын борбордук шайлоо комиссиясынын төрагасы Сергей Дубовик айтканга караганда шайлоонун экинчи айлампасында олуттуу мыйзам бузуу болгон эмес. Шайлоонун жүрүшүнө 12 миң эл аралык байкоочу серп салган. Бул жолу Украинада өткөн шайлоого орусиялык саясий элитанын кызыгуусу артыкча болгонун белгилешүүдө.
Кубат Оторбаев, Прага 26-декабрда Украинада президенттик шайлоонун экинчи айлампасынын кайра добуш берүүсү өттү. Аны оппозициядан талапкер Виктор Ющенко утуп алды. Борбордук шайлоо комиссиясынын маалыматына караганда бюллетендердин 98,66 проценти саналып бүткөндөн кийин Ющенко 52,28 процент алганы, ал эми Янукович 43,93 процент топтогону жарыяланды.
Кубат Оторбаев, Прага Иран Европа менен өзүнүн өзөктүк программалары боюнча сүйлөшүүлөрдү баштаганы эларалык саясатта алдыга жылган көрүнүш катары бааланды. 20-декабрда башталган сүйлөшүүдө Улуу Британия, Германия жана Франция Иран менен соода-сатыкты жакшыртууга убада кылууда. Өз кезегинде Тегеран болсо уранды байытуу боюнча иштерди токтотууга тийиш. Бул сүйлөшүүлөрдүн соңу кандай жыйынтыктарды бериши ыктымал? Аны азыр эч ким боолголой албай жатат.
Бүгүн (жекшембиде) Өзбекстанда парламенттин төмөнкү палатасына шайлоо өткөрүлдү. Шайлоонун жыйынтыгында төмөнкү палатанын 120 орунунун ээлери аныкталууга тийиш. Президент Каримов жекшемби күнү Европадагы коопсуздук жана кызматташтык уюмун жана өзбек оппозициясын сынга алып, Украинадагы сыяктуу окуяларга жол берилбестигин билдирди. Өзбек оппозициячыл лидерлери жана эл аралык коомчулук бул шайлоону адилет жана калыс өтпөйт деп мурда эле сынга алган, анткени шайлоого катышуу укугу өкмөтчүл беш партияга гана берилген.
Украиналыктар бүгүн президенттик шайлоодо үчүнчү ирээт добуш беришти. Анын алгачкы жыйынтыктары дүйшөмбү күнү таң эрте маалым болмокчу.
Ишемби күнү Кыргызстандын аймагында сегиз саясий партия өз жыйындарында парламенттик шайлоого талапкерлерин расмий көрсөтүштү. Айрымдары жаңы жылдан кийин өткөрүүнү көздөп жатышат. Бирок, кыйла партиялар саясий уюмдун атынан талапкер көрсөтүү эч кандай саясий упай алып бербейт дешет.
Төрөкул Дооров, Москва. 25-декабрда Москвада жалпы постсоветтик жумурияттардын Ички иштер министрлеринин жыйыны өз ишин аяктады. Анын соңунда биргелешип кызматташуу боюнча бир катар келишимдерге кол коюлду. Жыйын өтүп жаткан күндөргө дагы бир жаңылык туш келип калыптыр. Орусиянын ички иштер органдарынын кызматкерлери өлкөнүн бир катар региондорунда «Хизбут-Тахрир» экстремисттик уюмунун өкүлдөрүн кармашкан.
Айданбек Ташкенбаев, Бишкек 26-декабрда Украинада президенттик шайлоонун экинчи айлампасы өткөрүлдү.Анда талапкерлер Виктор Ющенко менен Виктор Янукович таймашты. Украина шайлоосуна Кыргызстандан 70тен ашуун байкоочу катышууда.
Амирбек Усманов, Прага Инди океанында жекшемби күнү катуу жер титрөө болду. Зилзаладан пайда болгон деңиздин үйдөй бийик толкундары Шри Ланка, Индонезия, Индия, Малайзия жана Тайланддын жээгине келип урунду. Жер титрөөнүн очогу- Индонезиянын Суматра аралында анын күчү 8, 9 балга жетти. Акыркы 40 жылдагы эң кубаттуу зилзалада набыт болгон адамдардын саны 3 миңден ашып кеткени маалымдалууда. Түштүк Азияда куткаруу иштери кызуу жүрүүдө.
Дагы жүктөңүз
