Орусия Кыргызстанга убада кылган 2 млрд. доллар кредиттин шарттары ушул айда такталып, меморандумга кол коюлары күтүлүүдө. Бул президент К. Бакиевдин ушул айга белгиленген Москва сапарына байланыштырылууда.
Айыл чарба кылууга жери жетишсиз өлкөлөр чет өлкөлөрдөн жер сатып ала баштады. БУУнун айыл чарба азык-түлүктөрүн өндүрүү уюмунун башчысы Жак Диуфтун айтымында, дүйнөдө “жаңы колониализмдин” карааны пайда болду.
Кыргызстан мусулмандары Палестинанын Газа тилкесинде согушту токтотуу талабын коюп жатышат. Бул демилге тууралуу Кыргызстан Мусулмандар биримдигинин теңтөрагасы Турсунбай Бакир уулу “Азаттыктын” таңкы маегинде кеп салды.
Россия-Украина арасындагы газ чатагынан улам Евробиримдиктин чыгышындагы айрым өлкөлөргө көгүлтүр отун ырааттуу келбей калды. Эки өлкө арасында аяздуу кышта жүрүп жаткан талашка ырасмий Брюссел тынчсызданганын билдирди. Бирок Биримдик жай-баракат арачылык кылуу менен чектелип, не Россиянын не Украинанын тарабын албай турат.
Экономикалык кризистин айынан миллиондогон америкалыктар жумушсуз, үй-жайсыз калышты. АКШнын Улуттук банкы жана Финансы министрлиги абалды жеңилдетүү үчүн көп миллиард долларлык иш чараларды сунуш кылууда. Экономикага дем берүү үчүн бери дегенде 800 миллиард доллар керек.
Газа тилкесиндеги кризистин башталганынан бери эки апта болуп калды. Эл аралык дипломаттар ок атышуунун токтотулушуна жетишүүнүн аракетинде. Евробиримдик тараптарды мунасага келүүгө чакырууда. Газа тилкесиндеги кризис жана согуштун тарыхы тууралуу Эркин Европа/Азаттык үналгысынын берүүлөр боюнча директорунун орун басары Аббас Жавади комментарий жазды.
Түндүк Кореяда акыркы төрт-беш айдан бери өлкөнүн "улуу жолбашчысы" Ким Чен Ир коомчулуктун көзүнө көрүнбөй калган эле. Мындан улам анын саламаттыгына байланыштуу түрдүү жоромолдор тарап кеткен. Бул аралыкта британ гезиттеринин бири Ким Чен Ир мураскер маселесин үч жылга чейин сөз кылууга тыюу салганы тууралуу жазып чыкты.
Индия Мумбайга чабуул жасаган согушкерлердин Пакистанга тийешеси бар болгондугунун далилдерин Исламабаддын өкмөтүнө тапшырды. Исламабад эбактан эле чабуул Пакистандан уюштурулган деген ырастоону далилдөөнү талап кылып келген эле.
Талдоочулардын баамында, бийликтердин тыюу салынган “Хизб ут-Тахрир” уюмун теске салуу аракеттеринен жакшы майнап чыкпай, бул уюм Кыргызстандын аймагында ишмердүүлүгүн басаңдаткан жок.
Грузияда саясий кырдаал курчуп, президент Михаил Саакашвилиден көңүлү калгандардын саны көбөйгөн сайын, президенттик шайлоо мөөнөтүнөн мурда өткөрүлсө, Саакашвилинин болжолдуу мураскору ким болору тууралуу божомолдор көп айтыла баштады. Көпчүлүк болочок лидер Грузиянын Бириккен Улуттар уюмундагы мурдагы элчиси Иракли Аласаниа болорун айтышууда.
Газа тилкесиндеги кризиске эки аптага аяк басты. Эл аралык дипломаттар ок атышуунун токтотулушуна жетишүүнү көздөөдө. Бирок айрым талдоочулардын пикиринде, Газадагы зордук -зомбулукту дипломатиялык жол менен басуу мүмкүн эмес. АКШнын ишкерлик институтунун талдоочусу, Жакынкы Чыгыш боюнча таанымал адис Майкл Рубин (Michael Rubin) "Азаттык жана Эркин Европа" радиосу үчүн жазган комментарийинде мына ушундай ойду айтат.
Кыргыз оппозициясы Адам укуктары жана эркиндиктери институтунун алдында саясий куугунтукка каршы комитет түзүүгө кам көрүүдө. Бийликчил саясатчылар оппозиция өз атын даңазалап жатканын айтышууда.
Дагы жүктөңүз
