Президент Роза Отунбаева Ош облусунунун активист аялдары менен жолугушуу учурунда алдыдагы паламенттик шайлоодо Жогорку Кеңешке алты-жети партия келээрин болжолдоп, алардын арасынан кыз-келиндерге көбүрөөк орун тийээрине үмүттөнүп жатканын билдирди.
Курамына дүйнөнүн 57 мусулман өлкөсү кирген Ислам Конференциясы уюму башалмандыктардан кыйроого учураган Ош жана Жалал-Абад шаарларын калыбына келтирүүгө ири каржылык жардамын көрсөтөт.
Европадагы коопсуздук жана кызматташтык уюмунун полиция кеңешчилер тобунун Кыргызстанга келиши чоң саясий талашка айланууда. Ош шаардык кеңешинин депутаттары болсо аларды киргизбөө тууралуу чечим кабыл алды.
Бишкекте өткөн эл аралык донорлор конференциясында Кыргызстандагы кыйын кырдаалга байланыштуу 1 миллиард 100 миллион доллар берүү чечими жактырылды. Өлкө башчысы муну үлкөн жетишкендик катары баалады. Эмки иш – ошол ири сумманы алдым-жуттумдарга жедирип ийбей максаттуу пайдалануу болууда.
Президент Роза Отунбаева Ош облусу боюнча иш сапарынын жүрүшүндө улуттук-маданий борборлордун өкүлдөрү, жаштар уюмдарынын лидерлери менен, ошондой эле массалык тополоң окуялардан катуу жапа чеккен айылдардын тургундары жолугушуп, алардын арыз-муңун укту. Мамлекет башчысы жолугушуу учурунда эл ынтымакташып кризистен чыгып кетпесе, Кыргызстанды Чеченстанга айлануу коркунучу күтүп турганын эскертти.
ЕККУнун полиция тобуна каршы бир нече митинг өттү. “Айкөл эл” партиясынын лидери Эдил Байсалов бул митингдер толук, так маалыматтын болбогонунан улам өтүп жатат деген пикирде.
Кыргызстанга келери күтүлүп аткан ЕККУнун полициясынын айланасындагы талаш-тартыш маселе тууралуу “Азаттыктын” суроолоруна Ички иштер министрлигинин илимий изилдөө борборунун жетекчиси Шамшыбек Мамыров жооп берди.
Баткен облусундагы кечээки иш сапары учурунда Роза Отунбаева кыргыз-өзбек чегиндеги Бүргөндү өрөөнүндө да болуп, Өзбекстан иштетип жаткан бул жердеги мунай, газ кендерин Кыргызстанга кайтарып алуу, аталган аймакта өз алдынча район түзүү демилгелерин колдоду.
Орусия 10-кылымда Киев Русу учурунда Христиан динин кабыл алган. Ошол окуяны Орусияда жаңы майрам катары 28-июлда алгачкы ирет белгилешти. Орус православ чиркөөсү СССР ыдырагандан кийин эл ичинде улуттук тек окшомун таанытуудагы Кремлдин эң натыйжалуу куралына айланган.
“Азаттыктын” таңкы түз обосунда экономикалык ишмердүүлүктөрдү текшерүүчү органдарды реформалоо маселесине кайрылдык. Кабарчыбыздын суроолоруна “Борбор Азиядагы эркин рынок институтунун” жетекчиси Мирсулжан Намазалиев жооп берди.
Британия менен Пакистан ортосунда дипломатиялык жаңжал тутанды. Индиядагы сапары маалында Исламабад өкмөтүн террорчулукту экспорттоону токтотууга чакырган лондондук премьер-министр Дэвид Кэмерондун сөзү Пакистан бийликтерин нааразы кылды.
Кыргызстанда айыл өкмөт башчыларын кайрадан эл тандоосуна коюу сунушталууда. Адистердин баамында, бул айылдык округдардын өнүгүүсүнө жана шайлоолордо административдик ресурстун колдонулбашына шарт түзмөкчү. Анткен менен айрымдар бул тууган-урук, жээк-жаатка бөлүнүүнү күчөтүшү ыктымалдыгын айтып жатышат.
Дагы жүктөңүз
