Сапар Орозбаков, Бишкек Парламентке шайлоо жарыяланып, ар кандай нараазылыктар чыга баштагандыгына байланыштуу өлкө башчы жана өкмөт башчы Украинада «революция» жасады деп батышты, аны менен бирге украин оппозициясын айыптап жаткандыгы көпчүлүккө маалым. Премьер-министр өзүнүн 11-январда өткөргөн пресс-конференциясында Украинанын өкмөтүнөн Кыргызстан өзүнүн мурдагы 28 млн доллар аласасын доолай баштайт деп билдирди.
Сапар Орозбаков, Бишкек. Расмий маалымат боюнча инфляция жылдан жылга төмөндөп барат. Улуттук банктын төрагасы Улан Сарбановдун шаршембиде билдиргенине караганда, ал өткөн жылы 2,8% түздү. Айрым эксперттер буга ишенишпейт. Алар керектөө товарларынын баалары мурдагыдай секирик жасап өспөгөн менен, инфляциянын деӈгээли расмий маалыматтарга салыштырмалуу бир кыйла жогору деп эсептешет.
Сапар Орозбаков, Бишкек. Өлкө башчы Аскар Акаевдин айтуусунда, быйыл өлкөдө Кытай-Кыргызстан-Өзбекстан темир жолунун, Камбарата ГЭСтеринин жана аллюминий заводунун курулушу башталат. Президент аларды «кылым долбоорлору» деп мүнөздөдү. Бирок айрым адистер бул долбоорлорду реалдуу эмес деп, алардын быйыл башталышынан күмөн санашат.
Сапар Орозбаков, Бишкек Жалалабаддагы «Фергана» гезити 3 жылдан бери өлкөдөгү бай адамдарды аныктап келет. Жакында ал байлардын жаӈы тизмесин жарыя кылды. Гезиттин жарыялаган тизмесине караганда, өлкөдөгү эӈ бай деген 100 адамдын жарымынан көбүн азыр же мурда жогорку мамлекеттик кызматтарда иштегендер жана алардын тууган-туушкандары түзөт.
Нарын АЙЫП, Прага Америка Кошмо Штаттарынын "Херитиж" фонду "Уолл стрит жорнел" аттуу гезит менен биргеликте 4-январда дүйнөдөгү экономикалык эркиндик боюнча атайын доклад жарыялады. Анда дүйнөнүн бир жүз алтымышка жакын өлкөсүндөгү экономикалык абал иликтенип, ар бир мамлекетке баа коюлган. Кыргызстан бул рейтингде дүйнөдөгү токсон жетинчи орунга коюлган, Орусия болсо андан артта, 124-орунда калган.
Амирбек Усманов, Прага. Дүйнөлүк жүгүртүүдөгү негизги акча-АКШ долларынын кубаттан тайуусу өткөн 2004-жылдын эң башкы экономикалык окуясы болду. Доллардын арзандоосу аны валюта кору катары күткөн өлкөлөрдүн шаштысын алып, айрымдары долларды шаша сата да баштады. Евроакчаны колдонгон өлкөлөрдө товардын өздүк наркы кымбаттап, экспорт кыскарды. Бирок Евробримдиктин жарандары АКШга арзан товар үчүн көп катоочу болду. Ошол эле учурда, АКШлык өндүрүшчүлөр тыш өлкөлөргө товар сатууну көбөйттү.
Түркияда улуттук банктар жаңы акча бирдиги “Жаңы Түрк Лирасына” (YTL) бат эле көндү. А карапайым элчи? Эл жаңы акчанын киргизилишин сыймыктануу сезимдери менен кабыл алды, бирок жаңы тыйындарга (Kuruş) көнүш дагы бир топ убактты талап кылат.
Сапар Орозбеков, Бишкек Кыргызстан эгемендикке чыккандан бери өлкөдө чет өлкөлүк инвесторлордун жардамы менен бир нече ири ишкана түзүлдү. Алардын бири - «Кумтөр алтын колмбинаты». Айрым адистер бул комбинатты башкаларга үлгү болорлук, акыркы технология менен жабдылган ири ишкана дешет. Башкалар болсо Канаданын «Камеко» корпорациясы пайда табуунун артынан түшүп, алтындын көбүн таштандыга чыгарган, сарамжалсыз иштеген технология салып койду деп эсептешет.
Сапар Орозбаков, Бишкек Өткөн 2004-жылдын жыйынтыгы рамсий түрдө чыгарыла элек. Ошого карабай өкмөт да, эл аралык финансы уюмдарынын адистери да 2004-жыл Кыргызстан үчүн жакшы жыл болгондугун айтып жатат. 2005-жыл кандай болот? Буга алардын божомолдору кандай?
Узатып аткан жылдын башталышы айтылуу «Кумтөр» алтын кенинин айланасындагы кезектеги бүдөмүк иштин жаңжалына туура келген. Кыргыз өкмөтү канадалык «Камеко» корпорациясынын жаңы түзүмү «Центерра Гольд» компаниясынын акциясынын 30% алып, дүйнөлүк базардагы ыкластуу оюнчулардын катарына кошулду.
28-декабрда парламенттин Мыйзам чыгаруу жыйыны 2005-жылдын бюджетин жактырып беришти. Өлкөнүн негизги экономикалык документи кош палата элегинен өткөн соң президентке жөнөтүлөт.
Сапар Орозбеков, Бишкек Өкмөт ПРООНдун жардамы менен өлкөдөгү министрликтердин жана ведомстволуктардын функцияларын бирден тактап чыкты. Анын негизинде айрым органдар бириктирилип, айрымдары жоюлмак болчу. Өкмөт ал гана эмес мамлекеттик аппаратты кыскартуу керек экендигин айтып, жыл сайын анда иштегендердин санын кандайдыр бир пайызга азайтуу тууралуу демилге көтөрүп келет. Бирок мындан мамалекеттик аппарат азайган деле жери жок. Тескерисинче, жаӈы министрликтер жана агенттиктер ачылууда.
Дагы жүктөңүз
