Кыргызстан бюджетинин киреше бөлүгүнүн теңинен көбүн көтөрүп келген өнөр жай өндүрүшү ушу тапта оор кризистен чыга албай турган кези. Бир топ ишканалардын жабдуулары чет өлкөгө ташылып же сатылып, андай болбогондору аз-аздан бутуна туруу аракетин жасоодо. Өкмөт быйыл бир топ өнөр жай ишканаларын ишке киргизип, жаңы жумушчу орундарын камсыз кылуу аракетин көрүүдө.
Казакстанда, экономика мурдагы советтик республикалардын башкаларына салыштырмалуу тез өнүгүүдө. 2005-жылдын экономикалык жыйынтыктары азырынча толук чыгарыла элек, бирок баштапкы эсептөөлөргө караганда, улуттук дүң өндүрүш былтыр 9,2%га жогорулаган. Анткен менен эксперттер Казакстандын экономикалык ийгилиги эл аралык базарда мунай баасынын кыбаттыгына көз каранды болгондуктан, туруктуу эмес экенин белгилешет.
Муса Мураталиев, Маскөө калаасы Москвада Орусия жана Түркмөнстан президенттери – Владимир Путин менен Сапармурат Ниязовдун жолугушуусу болду. Алардын ортосунда кепке алынган эң башкы маселе – экономикалык байланыш, баарыдан мурда, энергетика чөйрөсүндөгү байланыштын мындан аркы өнүгүүсү болду дешет. Эки өлкө лидерлери ошондой эле борборазиядагы жагдай менен Каспий деңизинин укук статусун тартипке салуу маселелерин да карашкан.
22-январда Түркмөн президенти Сапармурат Ниязов Москвадагы визитин баштоодо. Орус мамлекет башчысы Владимир Путин менен сүйлөшүүлөрдө газ маселеси башкы орунду ээлемекчи. Түркмөн газынын басымдуу бөлүгү Россиянын аймагынан өтчү куурлар аркылуу экспорттолот. Ниязов Газпром түркмөн газы үчүн көбүрөөк төлөсүн деген маселени козгошу ыктымал дешет байкоочулар.
Аманбек Жапаров,Бишкек Жогорку Кеңештин бюджет жана каржы комитети 2006-жылдын бюджетинде административдик аппаратты кармоого чыгымдарды азайтууну бир катар министрликтерден талап кылды.
Аманбек Жапаров,Бишкек Мурдакы башкы прокурор Азимбек Бекназаров Бишкектеги Шампанвино комбинатын анын жаңы кожоюну Сергей Ибрагимов экс-президенттин күйөө баласы Адил Тойгонбаевден 1 млн. 200 миң долларга сатып алганын билдирди. Анын пикиринде киреше берүүчү бул комбинат мыйзамсыз сатылган. Ал эми Мамлекеттик мүлктү башкаруу боюнча комитеттин жетекчиси Турсун Турдумамбетов Шампанкомбинат банкротко учураганына байланыштуу сатылганын маалымдады.
Цемент менен шыйпырдын жетишсиздиги, кымбаттыгы жана адис жумушчулардын тартыштыгы Кыргызстанда курулуш тармагын аксатып жаткан курч проблемалар болуп саналат. Бул жөнүндө өлкөдөгү ири курулуш ишканаларынын жетекчилери 17-январда премьер-министр Феликс Кулов менен болгон жолугушууда белгилешти.
Тигүү өнөр жайын көмүскөдөн чыгарууга кыргыз өкмөтү чындап кирише баштагандай. Бул тармакта ишкерлердин салыгын жөнөкөйлөтүү тууралуу өкмөт өткөн айдын аягында чечим чыгарган.
Кыргызстанда 18 арак, эки спирт заводу бар. Бирок кирешени мол бере турган бул ишканалар мамлекеттик казынага жарытып пайда бербей келатат. Учурда Жогорку Кеңеш тарабынан алкоголь продукциясын чыгаруучу ишканаларды лицензиялаштыруу маселеси көтөрүлүүдө.
Кыргызстандагы Талдыбулак, Жерүй алтын кендеринин айланасында чет элдик ишкерлер менен кыргыз өкмөтүнүн ортосундагы келишпестик дагы деле уланууда. Жерүй алтын кенин иштетүүгө уруксаты бар «Оксус» компаниясы келишимди бузганы үчүн кыргыз өкмөтүн эл аралык сотко берерин билдирип жатат. Ал эми Талдыбулак алтын кени мурунку президенттин жакындарынын бирине караштуу «Талдыбулак инвестмент» ишканасына таандык экендиги аныкталды.
Үстүбүздөгү аптанын биринчи күнү Ирактын мунай министри Ибрагим Бар Улум кызматынан кеткенин жарыя кылды. Улум өкмөттү “мени кызматтан мажбурлап кетирип, авторитардык ыкманы колдонду” деди жана күйүүчү майга бааны жогорулатууну “демократияга каршы кадам” деп атады. Козголоңчулар мунай иштетүүчү ишканаларга, мунай куурларына жана күйүүчү май сатуучу жайларга дембе-дем кол салышып, калк керектөөсүн камсыздоону кыйындатууда жана Мунай министрлигинин ишин татаалдантууда.
Быйылкы жылдын экономикалык программасы иштелип чыгып парламентке сунушталды. Алдыда үч жылдык, беш жылдык, жакынкы келечекке багытталган экономикалык программаны иштеп чыгуу милдети турат. Жаңы программанын мурдагылдарынан айырмасы, Кыргызстандын экономика жана каржы министринин ырасташынча, анда белгиленген максат-милдеттердин текши баарынын каржылык негизи көрсөтүлгөн.
Дагы жүктөңүз
