Баян Жумакадыр кызы, Прага шаары Мындан жарым жыл мурда Газпром көгүлтүр отундун баасын жогорулатып жиберген болсо, эми ошол эле монополист бааларды дагы кымбаттатканы жатат. 22-майда Газпромдун башчысынын орун басары Александр Рязанов "Коммерсант Украины" гезитине берген маалыматында биринчи июлдан тарта газ баасы бир миң кубометр үчүн 95 доллардан 120-130 доллардын дэңгээлине чейин көтөрүлө турганын билдирди.
Майда эле Бишкекте жана Ысыккөлдө эл аралык туристтик жармаңкелер өтүп, бир катар келишимдер түзүлдү. Бирок өлкөдөгү саясый кырдаалды коңшу мамлекеттердин маалымат каражаттары терс чагылдырып, туристтерди үркүтүп жатышат. Деги быйылкы жайкы эс алуу сезонуна даярдыктар кандай?
Күн өткөн сайын чөнтөк телефондо колдонулган добуштардын ар кылдуулугу өсүүдө. Ушундан пайдаланып, активисттер аны өз пикирин же позициясын билдирүү үчүн саясий максаттарда кеңири колдоно башташты. Керемет үкөктүн жаңы санында мына ушул жааттагы өзөрүүлөр тууралуу сөз болот.
Кыргыз парламенти бүгүн Жерүй алтын кенин иштетүү жөнүндө австриялык “Глобал голд” компаниясы менен “Кыргызалтын” ишканасынын ортосунда түзүлгөн келишимди мыйзамсыз деп жаратпай салды. Депутаттар чет элдик инвестор тендер аркылуу тандалбагандыктан мыйзам бузулган деп белгилешип, ага жол берген адамдарды жоопко тартууну талап кылышууда.
Жекшемби күнү Ооганстандын президенти Хамид Карзай Ирандагы эки күндүк сапарын аяктады. Карзайдын сапары учурунда Герат шаарын Ирандын Хорасан провинциясы менен туташтырган темир жолду куруу, инвесторлорго көмөктөшүү, кылмышкерлерди алмашуу, маданий кызматташууну жакшыртуу сыяктуу болуп, бардыгы жети келишимге кол коюлду. Эки өлкөнүн лидерлери Тегерандагы жолугушууда өз ара түрдүү багыттарда кызматташууга жагдай ылайыктуу экенин белгилешти.
Аманбек Жапаров,Бишкек Бүгүн Жогорку Кеңештин алдына Таластан келишкен Жерүй алтын кенинин жумушчулары пикет өткөрүүнү болжошууда. Алар өткөн жумада парламенттеги өкмөттүк саатта каралган Жерүй маселеси боюнча жетекчилердин билдирүүсүнө нааразы болушууда. Таластык жумушчулар Жерүй маселеси оң чечилбесе алтын кенине баруучу жолду бууп, эч кандай инвесторлорду жолотпой тургандыктарын билдиришти.
Жаңы түзүлгөн келишимге ылайык, Жерүй алтын кенин эми Австрияда катталган «Глобал голд» аттуу компания иштетет. Аталган кенди иштетүү боюнча өкмөт отчетун уккан Жогорку Кеңештин бүгүнкү жыйынында депутаттар жаңы инвестор эмне үчүн тендерсиз тандалганына, бул кандай компания экенине, жаңы келишимдин Кыргызстанга пайдасы канчалык болооруна кызыгышты. Бирок өкмөт тараптын жооптору көпчүлүк депутаттарды канааттандырбай, бийлик Кумтөр алтын кени боюнча кетирген катаны азыр да кайталап жатат деген пикирлер басымдуулук кылды.
Кыргыз өкмөтү «Жерүй» кенинин жумушчуларына жаңы инвестор келгиче орточо айлык маянасын төлөп берүү чечимин чыгарган. Мыйзам негизинде төлөнчү үч айлык мөөнөт аяктап баратканына кабатыр жумушчулар 25-майда Бишкектеги өкмөт үйүнүн алдында пикетке чыгышты.
Деңиз жолунан ыраак турган өлкөлөрдүн экономикалык алака-катышын жакшыртуу, жүк ташуу түйшүгүн жеңилдетүү маселелери Улуттар уюмунун Экономикалык жана социалдык комиссиясынын Бишкекте өткөн жыйынында талкууланды.
Амирбек Усманов, Прага Байдөөлөт өлкөлөрдүн мунай менен газга болгон талабы ылдам өсүп, өндүрүшчүлөр алардын керектөөсүн канааттандырууга үлгүрбөй жатат. Мунай жана газ өндүрүүнү көбөйтүү үчүн АКШ өкмөтү табигый ресурстарга бай өлкөлөрдү экономикасын тышкы капиталга кенен ачууга жана саясый реформаларды жүргүзүүгө түртүүдө. АКШнын Мамкатчысынын орун басары Энтони Уэйн дүйшөмбү күнү Брюсселде болгон жыйында Борбор Азиялык жана Каспий алкагындагы мунай жана газ өндүрүүчү өлкөлөр Вашингтон үчүн баалуу стратегиялык өнөктөр экенин баса белгиледи.
Эларалык каржы уюмдарынын Кыргызстандын экономикалык стратегиясын аныктап алууга көмөк көрсөтүүсүнө арналган эки күндүк жыйын ишембиде соңуна чыкты. Он беш жылдык экономикалык реформалардын натыйжасы Кыргызстанды дүйнөдөгү эң жакыр өлкөлөрдүн катарына кошту. Эларалык каржылык колдоону арбын алган өлкө эми кандай саясат жүргүзүшү керек?
Кыргызстандын тышкы карыз жүгүн кантип жеңилдетүүгө болот? Жаңы түзүлүп жаткан Экономика менен ишкердикти өнүктүрүү коомдук палатасы аны көпчүлүктүн көмөгү менен төлөп салуу демилгесин көтөрүүдө. Маалымат катары айта кетчү нерсе, ар бир кыргызстандыктын мойнунда 400 доллар карыз жүгү турат.
Дагы жүктөңүз
