Үстүбүздөгү жылдын биринчи апрелинен тарта Кыргызстандагы базарларда, туруктуу эмес соода жайларында эмгектенген чет элдиктер ишин таштап кетүүгө аргасыз болушат. Буга кыргыз өкмөтүнүн 12-январда кабыл алган токтому себепчи болду. Соода тармагында эмгектенген айрым адистер, укук коргоочулар бул токтомдун туура эмес кабыл алынганын айтышууда.
Акыркы жарым жыл ичинде Бишкекте кыймылсыз мүлккө болгон баа 200 пайызга чейин кымбаттады. Мындан 3-4 ай мурун 1 бөлмөлүү квартиранын баасы бери дегенде 15-16 миң доллар болсо, учурда бир бөлмөлүү үйдү 20-23 миң доллардан кем баада сатып алуу мүмкүн эмес болуп калды. Айрым байкоочулар турак жайга болгон баа мындан дагы жогорулайт деген божомолдорду айтышууда. Үйлөрдүн баасынын кескин кымбатташы эмнеге байланыштуу болуп жатат?
Жогорку Кеңеш дүйшөмбү күнкү жыйынында Конституция, жер титирөөлөр, ажылык учурунда каза болгон Кыргызстан атуулдарынын жакындарына жардам берүү маселелерин көтөрүп, алардын айрымдары боюнча өкмөткө тапшырма берди. Андан кийин парламент «Токтогул каскадындагы ГЭСтердин өзгөчө статусу жөнүндөгү» мыйзамга өзгөртүү жана кошумча киргизүү тууралуу мыйзам долбоорун карай баштады.
15-январдан тарта орус өкмөтү чет элдик ишкерлерди өлкөдөн чыгара баштайт.Буга ылайык учурда Орусиянын шаарларында соодагерлик кылып жүргөн 200 миңге жакын Кыргызстандык жарандар да ишкерлигин токтотуп, кайра мекенине кайтып келүүгө аргасыз болушат. Ушундан улам көптөгөн кыргызстандыктар кайтып келүүнүн ордуна Орусия жарандыгын алууга аракет жасашууда.
Муса Мураталиев, Маскөө калаасы Бул күндөрү Москва менен Минск ортосундагы кагылыш Европанын нефти алып туруусун дагы бир жолу үзгүлтүккө учуратты. Орусиянын экономикалык министри Гермен Греф айтканга караганда Минск менен болгон чатак Батыштагы өнөктөштөрүнүн алдында Орусиянын беделин түшүрдү. Алардын нефтигаз менен тың жабдыйт деп турган ишенимине шек келтирди."Эркин Европа" жана "Азаттыктын" анализчиси Роман Купчинский жакында «Дружба» куурунан бөлөк тармак менен да Батышка орусиялык нефти жеткирилерин кеп кылат.
Төрөкул Дооров, Москва Орусия менен Беларус мунай боюнча келишимге жетишишти. Документке эки мамлекеттин өкмөт башчылары кечээ кечинде Москвада кол коюшту.
Төрөкул Дооров, Москва Үч күндөн кийин, 15-январда, Орусияда чет-өлкөлүк мигранттарга тиешелүү эки жаңы мыйзам күчүнө кирет. Адистердин айтымында, ал мыйзамдарга ылайык, мигранттар үчүн Орусиянын аймагында каттоодон өтүү жеңилдейт жана жумушка орношуу үчүн уруксат алуу да оңой болуп калышы керек. Бирок чет-өлкөлүк мигранттарга базарларда сатуучулук кылууга тыйуу салынат. Мына ушул өзгөчөлүктөрдүн маани-мазмунун кыргыз мигранттары билишеби?
Орус президенти Владимир Путин менен Беларустун президенти Александр Лукашенко 10-январда телефондон байланышканда кимиси көбүрөөк сүйлөгөнү бизге белгисиз, бирок Маскөө менен Минскинин ортосундагы жогорку деңгээлдеги телефон сүйлөшүүсү аяктагандан кийин, өз максатына жеткен тарап Путин экендиги айгине болду. Ошол эле күндүн кечинде Орусиядан Беларус аркылуу Батышка мунай ташуу калыбына келтирилип, ал жакта кыжаалат болгон бийлик өкүлдөрүнүн көңүлү тынчыды.
Азербайжанда тейлөө,энергетика тармактарында баа кескин кымбаттап, калкты катуу кыжаалатка салды. Жергиликтүү экономисттер өкмөттүн жаңы чечими өлкөдө туташ инфляцияга алып келиши мүмкүн экенин эскертишүүдө. Оппозициядагы партиялар менен кыймылдар нааразылык акцияларына камына баштады.
Муса Мураталиев, Маскөө калаасы Кечээ агенттиктер таркаткан маалыматта Беларус президенти Александр Лукашенко телефон аркылуу Орусиянын президенти Владимир Путин менен сүйлөшүп, нефти боюнча чыккан чырды басуунун жолу табылган. Беларус президентинин маалымдоо катчысына шилтеме берилип айтылган кабарда жума күнү президенттерге түзүлгөн кырдаалдан чыгуу боюнча айкын сунуштарды киргизүү үчүн эки өлкө премьер-министрлерине тапшырма берилген.
Кумтөр алтын кенин иштетип жаткан “Кумтөр голд компани” ишканасы үч жылдык жер салыгын 45 млн сом өлчөмүндө төлөдү. Буга Кыргызстан тарап бир нече жолку соттошуулардан кийин гана жетишкендигин ЖК төрагасынын орун басары Кубанычбек Исабеков бүгүн журналисттерге жарыя кылды. Анын айтуусунда “Кумтөр голд компани” ишканасы менен түзүлгөн бир топ келишимдерди кайра карап чыгуу зарылдыгы бар.
Түп районунун Жылуубулак айылындагы сыр заводуна ал жердеги сүт өткөргөн эл нааразы болуп атат. Анткени накта сүттү 2-5 гана сомдон баалап өндүргөн продукциясын дагы райондун аймагына сатпайт экен.
Дагы жүктөңүз
