Кыргыз билим берүү академиясынын уюштуруу илимий методикалык жана басма бөлүмүнүн башчысы Сейитбек Жаанбаев "Азаттыктын" Прагадагы баш кеңсесинде болуп, билим тармагындагы реформалар, окуу китептеринин жетишсиздиги жана Болон процессине өтүү тууралуу маек куруп берди.
Еврошаркеттин газ маселесин жөнгө салуу боюнча тобу орус өкмөт башчысы Владимир Путин менен жолугушту. Топтун жетекчиси, биримдиктин учурдагы төрагасы Чехиянын премьер-министри Мирек Тополанек жума күнү Украин бийлиги менен кездешти.
Ушу тапта Токтогул суу сактагычында 8 миллиард ашуун кубометр суу бар. Өткөн жылы ушул маалда көлдө 11 миллиардга жакын кубометр суу турчу.
Барак Обама экономикалык төмөндөө процессин ооздуктоо үчүн чечкиндүү чараларды көрүүгө чакырды. Журналисттерди ал өзүнүн масштабдуу жаңы планы менен тааныштырды. Айрым эксперттер жаңы президенттин сунуштары абалды ого бетер оорлотот деп эсептешет.
Орусия менен Украинанын газ чатагы бүгүн Европанын күн тартибиндеги башкы маселеге айланды. Жыйындар менен сүйлөшүүлөр Брюсселде, Прагада өтүүдө. Мунун алдында Орусия менен Украинанын мамлекеттик газ компанияларынын башчылары өткөн түнү Москвада жолугушкан. Бейшембиде алар Брюсселге барышты.
Өкмөт Өзбекстандан сатылып алынчу «көгүлтүр отундун» баасы быйыл канча болорун бүгүн жарыя кылмакчы. Газ баасы былтыркысынан 95 долларга кымбат болгону менен көлөмү 90 миллион кубометрге аз.
Жаңы жыл алдында Кыргызстандын тоо-кенчилер ассоциациясынын кеңешинин жыйыны өлкөнүн тоо-кен тармагын терең кризисте турат деген тыянак баасын чыгарган. Бул жөнүндө Кыргызстан тоо-кенчилер бирикмесинин башчысы Орозбек Дүйшеев “Азаттыкта” кеп салып берди.
2011-жылы Кыргызстанда алтын өндүрүүнүн көлөмү 30 тоннага жетип калыш мүмкүндүгү айтылууда. Эки жылдан кийин «Кумтөр» алтын кенинен 15 тонна алтын алына баштап, калганын башка кендер бермекчи.
Кыргызстандын Эсеп палатасынын төрөгасы Искендер Гаипкулов бул мекемедеги соңку структуралык өзгөрүүлөр, анын максаты тууралуу “Азаттыктын” түз ободогу суроолоруна жооп берди.
Украинанын ырастоосунда, Россия 7-январда эртең менен Европага газ берүүнү токтотуп койду. Шейшембиде Түштүк Европанын бир катар өлкөлөрү Украина аркылуу өтчү орус газы келбей калганын маалымдашты.
Кыргызстан өткөн жылы керектүү товар бааларынын өсүшү боюнча КМШда экинчи орунду ээледи. Буга баалардын өсүшүнүн 1,5 пайызга көтөрүлгөнү себеп болду. Экономисттер мындай көрүнүш быйыл да уланып, инфляция өсөт деп жатышат.
Электрондук маалымат булактары акыркы күндөрү Борбор Азиянын үч өлкөсү -- Өзбекстан, Тажикстан жана Кыргызстан сыртка экспорттоп келген жумушчу күчтөрдүн проблемалары тууралуу көбүрөөк жаза башташты. Ал эмне болгон проблема?
Дагы жүктөңүз
