Эл артисти Орозбек Кутманалиев ар тараптуу, көп кырдуу өз доорунун залкар таланты эле. Ал кыргыз угуучу-көрүүчүлөрүнө төкмө акын, обончу, дастанчы, ырчы-аткаруучу, режиссер, кино актер, диктор катары белгилүү эле. Ар кыл талантка бай Орозбек Кутманалиев тирүү болгондо үстүбүздөгү жылы 75 жашка чыкмак.
Кыргызстан эгемендик алганына 16 жыл толду. Бул жылдарда Кыргызстан эмнеге жетишти жана эмнеден өксүдү? Кыргызстандын ардагер жазуучусу Казат Акматов “Азаттыктын” таңкы уктурууларынын маектеши болду.
Эгемендиктин 16-жылдыгына арналган майрамдык салтанат бүгүн адаттагыдай эле баш калаадагы борбордук «Алатоо» аянтында өттү. Салтанатка Президент Курманбек Бакиев баштаган бийлик өкүлдөрү катышты. Майрамдык театралдык-оюн зоок, ыр-күүлөр тартууланды. Эгемендикке арналган салтанаттар бүгүн өлкөнүн бардык аймактарында болуп жатат.
Бүгүн Кыргыз Республикасынын эгемен мамлекет катары өз алдынча жашай баштаганына туура 16 жыл толду. Айрым саясатчылар эгемендикти алган жылдардан бери бийлик бир канча адамдарга гана кызмат кылып, өлкө өнүкпөй келатканын айтышса, башкалары өлкө өнүгүү жолунда баратканына ишенишет. Деги эгемендик 16 жыл ичинде Кыргызстанга эмне берди? Мамлекет бул арада кандай жетишкендиктерге жетти, эмнеден өксүдү?
Жазуучу Абибилла Пазыловдун “Гезитчи Дзюо” китебинде бут кийим тазалап иштеген кыргыз баланын образы аркылуу Кыргызстандагы өзгөргөн мезгил, ал мезгилдин өң-түсү, жаңыча жашоонун карама-каршылыктары тартылат. Чыңгыз Айтматовдун эң алгачкы чыгармасы да “Гезитчи Дзюо” деп аталат эмеспи. Бул эки чыгарманын ортосунда кайсы бир деңгээлде окшоштуктар да, кыйла бир айырмалуу өзгөчөлүктөр да бар.
Ысыккөлдө “Киностан” автордук кино фестивалы болуп жатат, ал эми келерки жумада Ысыккөлдө Шанхай кызматташтык уюмуна мүчө өлкөлөрүнүн фестивалы өткөрүлгөнү турат. Кинорежиссер Темир Бирназаров кино жаатындагы жагдайлар менен таңкы “Азаттыктын” угармандарын тааныштырган.
Өткөн апта соңунда Атбашыда “Кошой Коргон” тарыхый комплекси ачылып, ага арналып эл аралык фестиваль да өткөрүлдү. Бул жөнүндө Кыргызстандын маданият министри Султан Раев “Азаттыкка” кеп салып берген.
Жакында кинорежисcер Асан Айтикеев өзүнүн “Той” аттуу кыска метраждуу фильмин коомчулукка тартуулады. Ал таңкы “Азаттыктын” уктурууларынын мейманы болуп, өзүнүн чыгармачылыгы жөнүндө маек куруп берген.
25-августта Нарын облусунун Атбашы районундагы Кошой Коргон шаар урандысынын жанында “Кошой Коргон” тарыхый-маданий комплексинин ачылыш аземи болду. Комплекстин ачылышына карата эларалык фестиваль өткөрүлдү.
Кыргыздын айымдарынан алгачкы жолу чыккан манасчылар болуп Сейде Дейди кызы менен семетейчи Сейдене Молдоке кызы эсептелет. Алардын өнөрүн жаш айтуучу Акбермет Молдазимова, Асем Курманбек кызы улантууда.
Учурда акыркы жылдарда тартылган кыргыз фильмдери көрсөтүлө баштады. Жакында “Ысыккөл” кинофестивалы да өтмөкчү. Ал Шаңкай кызматташтык уюмуна мүчө мамлекеттердин фестивалы катары белгилүү. Кыргызстандык режиссер Артык Сүйүндүков таңкы “Азаттыктын” коногу болуп, ушул маданий иш чара кандай өтөрү жөнүндө ой бөлүшкөн.
Дагы жүктөңүз
