Дүйнөнүн 4 жолку жана олимпиаданын чемпиону, Европанын, СССРдин бир нече жолку чемпиону, СССР спортуна эмгек сиңирген чебер, Кыргыз маданиятына эмгек сиңирген ишмер Каныбек Осмоналиев кыргыз өңүн дүйнөгө тааныткан азаматтардын бири. Ал жөнүндө даректүү тасма тартылып, акын Акбар Рыскулов поэма жараткан. Каныбекке кандай мактоо айтса да жарашат, себеби ал улут сыймыгы, ар-намысы болгон.