“Абдыш-ата” футбол клубунун 8 жашар оюнчусу Эрбол Атабаев Испаниянын “Реал” клубунун футбол Академиясынын сынагынын биринчи этабынан өттү.
2009-жылдын мыкты коргоочусу аталган “Абдыш-Атанын” футболчусу Роман Аблакимов Туркиянын “Хажеттепеспор” клубунун катарында алгачкы оюнун өткөрдү. “Дордой-Динамонун” чабуулчусу Мирлан Мурзаев Орусиянын “Локоматив” командасынын курамына кошулганы турат.
Жекшембиде Анголада Африка өлкөлөрүнүн футбол боюнча башкы чемпионаты ачылды. Ага бирок, 3 кишинин өмүрүн алган куралдуу кол салуудан улам Тогонун улуттук командасы катышпай калды.
Футбол боюнча өлкөнүн 6 жолку чемпиону “Дордой-Динамонун” катарындагы африкалык эки жалданма оюнчу Тажикстандын “Вахш” командасына кетип калды.
Төрт жыл мурда 8-январда грек-рим күрөшү боюнча Азиянын эки жолку чемпиону Раатбек Санатбаевди Бишкекте белгисиз бирөөлөр атып кетишкен.
12-февралда Канаданын Ванкувер шаарында ачыла турган XXI Кышкы олимпиадалык оюндарга учурда ар бир өлкө спортчуларын даярдап жаткан кези. Кыргызстан да бул кышкы оюндарга өз спортчуларын жөнөтмөкчү. Алардын даярдыктары, деги эле өлкөдөгү кышкы спорттун абалы тууралуу “Азаттыкка” Дене тарбия жана спорт агенттигинин башкы адиси Канат Арпачиев айтып берди.
Түштүк Африка өлкөсүндө быйыл тандалган 32 өлкөнүн футболчуларынын таймашуулары 11-июнда башталып, 11-июлда жеңүүчү аныкталат.
Кыргызстан курамасынын велоспортчусу Евгений Ваккер жаңы команданын катарында. Буга чейин Ирандын “Азад” клубунда жарышка түшүп келген Евгений быйылкы жылдын сезонунан тарта Тайвандын “Giant” командасынын намысын коргойт.
Унутулуп бараткан салбурун өнөрүн кайра жандандыруу аракети жакшы бааланып, декабрдын аягында “Замандаш” бирикмеси “2009-жылдын мыкты элдик оюну” деп атады. «Салбурун» федерациясынын жетекчиси Алмаз Акунду кабарчыбыз кепке тартып маектешти.
2010-жылкы мелдештер: Ванкувер Кышкы олимпиадасы, жайында Сингапурда Жаштардын дүйнөлүк олимпиадасы, күзүндө Гуанжоудо ХVI Азия оюндары.
16-24-январда Москва шаарында Шериктеш жана Балтия өлкөлөрүнүн Кубогу өтөт. Өткөн жуманын этегинде “Шериктештик” турнирине катышканы турган чемпион командалардын атаандаштары аныкталды. Чучукулак кармоонун жыйынтыгында Кыргызстандын алты жолку чемпиону “А” тобунда күч сынашат.
29-декабрда Кыргызстанда футбол боюнча 2009-жылдын мыктылары аныкталып, аларга сый-урмат көрсөтүлдү.
Дагы жүктөңүз
