Амирбек Усманов, Прага Малайзиянын премьер- министри Абдулла Ахмад Бадавинин баамында, батыш цивилизациясына кирбеген өлкөлөрдүн кайталангыс тарыхы, сал- санаасы жана дини бар. Ошон үчүн алар көпчүлүк учурда Батыштыкынан такыр бөлөк идеяны жана баалуулуктарды сунуш кылат. Мусулмандардын динге болгон мамилеси- мына ушундай уникалдуу мүнөзгө ээ, дейт Бадави мырза “The Financial Times” гезитине чыккан макаласында.
Тажикстандын билим берүү министри Абдужаббор Рахмонов мечит-медреселерде окуган жаштарды сакалдарын алып, костюм-шым кийип, галстук тагынганга буйрук берди. Андан сырткары, мугалимдерге да баарына бирдей форма тигилээрин айтып, мындан ары хижаб кийгенге тыйуу салынаарын, айрым “мыйзамсыз” курулган мечиттер буздурулаарын билдирди.
Дин иштери боюнча мамлекеттик агенттиктин төрагасы Тойгонбек Калматов ажылык сапар кандай жыйынтыкталганын “Азаттыкка” айтып берди.
Ажыга өз алдынча автоунаа менен кеткен кыргызстандык жарандардын бир катары Мекеге жетпей кайтып келаткандыгы, бир катарынын Саударабстанга ачылган визасы жасалма экендиги тууралу кабарлар бар. Кыргыз өкмөтүнүн ажыларды учак менен гана алпаруу жөнүндөгү токтомун көзгө илбей, адамдарды топтоп автоунаа менен ажыга алып кеткен адамдардын үстүнөн кылмыш ишин ачуу жагы да суралууда.
Аким Өзгөн Ушул өткөн демалыш күнү Түркиянын полиция кызматчылары Анталия шаарындагы бир чиркөөнүн диний кызматчысынын өмүрүнө кол салууга даярданып жаткан бир кишини кармашты.
Медина шаарында Кыргызстандан ажы сапарына кеткен адамдардын ону каза болду. Мурдагы көз жумгандар картайган адамдар болсо, бул жолку көз жумган адам 50 жаштан бир аз эле ашкан экен. Мединада зыяраттар уланууда.
Медина аркылуу Мекеге барган кыргызстандык ажылардын алды бүгүн Кыргызстанды карай сапар тартышат. Мединага бара элек ажылар Мекеден Медина шаарына жөнөшүүдө. Мекеде кыргызстандык ажылардын сегизи өз ажалынан – оорудан каза болду.
Курман айт намазы Бишкектин эски өкмөттүк аянтында өттү. Майрамдык намазга келгендерди Кыргызстан мусулмандарынын муфтийи Муратаалы ажы Жуманов баштаган бир топ диний жана бийлик өкүлдөрү куттуктап сөз сүйлөштү. Алардын арасында вице-премьер-министр Нур уулу Досбол, Бишкек шаарынын мэри Данияр Үсөнов, Түркиянын Кыргызстандагы элчилигинин расмий өкүлү Шамсуддин Үнал болушту. Муратаалы ажы Жуманов өзүнүн куттуктоо сөзүндө “Кыргызстан дин эркиндиги боюнча Борбор Азияда алдыңкы орунда турат” деп баса белгиледи. Баш калаада окулган Курман айт намазына, Бишкек казыятынын маалыматына ылайык, 100 миңдей адам келди.
Кар жаап тургандыгына карабастан 19-декабрда Ош шаарында Бабур атындагы өзбек драма театрында Курман Айтка арналган салтанат өттү. Ага Ош шаар мэри Жумадыл Исаков катышып, ачкачылык жана башка нааразычылык акцияларын уюштургандарды катуу айыптап, «Президент Бакиевдин саясатына каршы чыккандарды кудайга койдук!» деген оюн жарыя кылды. Кыргызстан муфтийинин орун басары Саипжан Абдувахидов да Кудайдын куттуу күнү курсакты ач кармаганга шарият жол бербей тургандыгын билдирди. Салтанат убагында көпчүлүк кишилер лотерея ойнотулат дешкенинен чогулушкандыгын «Азаттыкка» айтышты. Мэриянын жооптуу кызматкери Курманбай Ташибаев лотерея ойнотулат деген идеяга жергиликтүү бийликтин таптакыр тиешеси жоктугун, ал демилгенин ээсин укук коргоо органдары да таппай жатышкандыгын маалымады.
Кечеки күндөн баштап Саударабстанда ажылыктын негизги ибадаттары башталды. Бүткүл дүйнөдөн ажыга барган мусулмандар кечээ жалпысы менен Мекеден Мина өрөөнүнө алпарылган. Мина өрөөнүндөгү жүз миңдеген чатырларда түнөгөн зыяратчылар бүгүн Арафат тоосуна чыгышат.
Мекеде бүгүн мусулмандардын жыл сайын өтүүчү ажылык зыяраты башталды. Сауд Арабиядагы ыйык жайларда 5 күнгө созулчу диний жөрөлгөгө быйыл дүйнөнүн ар кайсы булуң-бурчунан барган 2 миллиондон ашуун мусулман катышууда. Сауди бийликтери зыяратчылардын коопсуздугун камсыздаш үчүн бардык чаралар көрүлгөнүн айтышууда. Ошентсе да, жыл сайын ажылык сапары маалында кайтыш болгондордун саны жүздөп саналат.
Мекеде ажылык зыярат менен жүргөн кыргыз жарандары парламенттик шайлоонун акыйкат, тынч өтүшүн тилек кылышууда. Кыргызстандын ажылыкты уюштуруу штабынын учак менен гана алпаруу тартибинен баш тарткан 120дай адам өз алдыларынча автотранспорт менен ажыга баргандыгы белгилүү болду.
Дагы жүктөңүз
