Бирдиктүү европалык валюта – евро АКШ долларына карата 3 жыл ичиндеги эң жогору деңгээлге көтөрүлүп, жума күнү 1 евро – Лондондук биржаларда 1,024 долларга айланды. Эксперттер соңку кездери Америкалык доллар еврого карата гана эмес, жапондук иенага карата да салмагын жоготуп баратканын айтышууда. Адистер доллардын кунунун төмөндөшүнө АКШ экономикасындагы кырдаал жана Иракка каршы ыктымал согуштун кесепети тийип жатканын белгилешүүдө.
