Кениядагы жалпы элдик шайлоонун жыйынтыгы чыгарылууда. Алгачкы маалыматтар боюнча, президенттикке талаптанган оппозициялык кандидат Мваи Кибаки добуштардын санагында алдыда баратат. Кибаки 70 жашта, улуттук Күн желеси коалициясын жетектейт. Ага шайлоочулардын 70 проценттен ашыгы колдоо көрсөтүшкөн, ал эми өлкөнү дээрлик кырк жылдай бийлеген азыркы башкаруучу партиянын – африкалык улуттук биримдиктин талапкери Кениата оппозициялык кандидаттан алда канча артта калды.
