МОСКВА. Орусиянын түндүк-батыш региондорунда жылуулук берүүчү трассаларды оңдоо улантылууда. Жылуулук берүү системасында болгон кырсыктан 27 миң киши жылуулуксуз калган. Жылуулук менен камсыз кылуучу системалардын иштен чыгып калышынын жоопкерчилигин Орусиянын өкмөтү жергиликтүү бийликтерге жүктөдү. Карелияда бул кырсыктарга байланыштуу 8 кылмыш иши козголду. Синоптиктер жакын арада Орусиянын бир катар региондорунда абанын температурасы -48 градуска жете турганын айтып жатышат.
