БИШКЕК. Кыргызстандын Коргоо министрлиги өлкөдөгү 20 балдар үйүнө жана жатак-мектептерге кийим-кече түрүндө 607 миң 210 сомдук жардам берет. Мындай жардамды өлкөнүн жер-жерлериндеги райондук аскер комиссариаттары таркатат. Гуманитардык жардамдын алгачкы бөлүгү бейшемби күнү Ош, Жалалабад, Баткен областтарына жеткирилди. Ушундай эле жардам жакынкы күндөрү Нарын, Ысыккөл, Талас, Чүй областтарына жөнөтүлөт. Бул тууралуу бүгүн Коргоо министрлигинин басма сөз кызматы кабарлады.
