Иракта иштеген чет өлкөлүктөр өлкөдөн кете баштады. Бириккен Улуттардын программалары боюнча Иракта кызмат кылган тогуз жүзгө жакын адамдын жарымынан көбү акыркы апталарда өлкөдөн чыгып кетти. АКШ, Улуу Британия жана Испания азыр Ирак боюнча жаңы резолюциянын долбоорун даярдап жатат жана жакында аны Бириккен Улуттардын Коопсуздук Кеңешине тапшырат. Ал долбоор менен Коопсуздук Кеңеши Иракка каршы баштала турган согушту колдоого тийиш. Ирактын вице-президенти Таха Яссин Рамадандын айтымында, Бириккен Улуттар андай резолюция кабыл алышы өтө күмөн.
