БИШКЕК. Премьер-министр Николай Танаевдин 4-марттагы буйругу менен Ташкул Керексизов Мамлекеттик сатып алуу жана материалдык резервдер боюнча мамлекеттик комиссиянын төрагалыгынан башка ишке өткөндүгүнө байланыштуу бошотулду. Анын ордуна мурда бул комиссияда төрага орун басары болуп иштеп жүргөн Бахадур Сулейманов дайындалды. Ал эми анын орун басарлыгына өкмөт башчысынын жардамчысы Арслан Жаманкулов дайындалды. Мындай маалымат 4-мартта өкмөттүн басма сөз кызматынан алынды.
