Өзбекстандын көз карандысыз "Хүрриет" гезитинин редактору Амиркул Каримовдун айтымында, 13-мартта ал өлкөнүн президенттик администрациясына чакырылып, катуу сындалгандан кийин кызматынан кетүүгө аргасыз болду. Аны менен катар Амиркул Каримов Улуттук пресс борборунун да жетекчилигинен кетти. Өткөн жылы Өзбекстанда цензура расми түрдө жоюлгандан кийин, "Хүрриет" гезитинде бир топ сын макала басылып чыккан. Феврал айынын башынан бери өлкөдө бир нече эркин журналист кармалып же сабалып, эки гезит чыкпай калды.
