БИШКЕК. Кыргыз-тажик чек арасын делимитациялоо боюнча өкмөт аралык комиссиянын кезектеги биргелешкен жыйыны апрель айында Дүйшөмбү шаарында өтөт. Бул тууралуу маалымат шаршемби күнү Тышкы иштер министрлигинин КМШ бөлүмүнөн алынды. Ал маалыматка караганда, делегациянын кыргыз тарабын өкмөттүн регионалдык маселелер боюнча бөлүм башчысы Саламат Аламанов жетектейт. Кыргыз-тажик чек арасын делимитациялоо боюнча өкмөт аралык комиссиянын биринчи жыйыны өткөн жылдын аягында Бишкекте өткөн.
